娛樂滿紛 26FUN - Powered by Discuz! Board

標題: 如何去安慰別人??? [打印本頁]

作者: 5e16 時間: 2005-10-6 12:23 AM 標題: 如何去安慰別人???

我有個男性Friend
太約一個月前開始想追一個佢識左3年ge女仔
初初大家都有食下飯, 傾電話, 一齊報下course讀下咁

但過左2個weeks左右, 個女仔開始唔聽佢電話
course又有時唔得閒上

照常理估計, 個女仔應該對我個friend冇意思, 所以避佢
正當佢因為咁灰緊ge時侯, 行行下街見倒個女仔同個男仔一齊
十足拍戲咁

個男仔其實我friend都識ge, 佢同個男仔同女仔都係一齊玩得好埋的friend
幾年前我friend亦試過追一個女仔friend, 同樣地俾一個男仔friend追左

我個friend就因為咁樣好Q灰, 冇哂人生意義咁
做乜都冇心機, 食唔落野, 晚晚都訓得唔多

請問大家有乜野方法可以令佢重新振作? 我唔知點先可以幫倒佢, 除左陪下佢就唔知可以做乜, 有時講鼓勵說話都唔得.

Thx all

作者: daniel1989723 時間: 2005-10-6 01:18 AM

直接少少講會好d 囉..

最好一針見血果d 囉..

不過最後都要睇佢睇唔睇得化..

我自己都try 過.. 呢個方法我work ..
唔知岩唔岩你個fd..

作者: Fung2004 時間: 2005-10-6 01:23 AM

如果你對你個fd有意思咁未同佢一齊lor
我覺得佢冇左既係信心

作者: keip5 時間: 2005-10-6 08:29 AM

5e16兄... 因為係你朋友嘅事...
你有好多內惰都唔知...

你話:但過左2個weeks左右, 個女仔開始唔聽佢電話, course又有時唔得閒上

可能你個Friend做咗一D野令個女仔反感同討厭...先揾新仔!
又或者... 可能個女仔單方面嘅問題: 揾你朋友笨...玩你朋友...玩弄感情!
先可能攪成咁!

唉! 呢d Case我見得多!
你個朋友係一時之間冇可以復元同冇事!
宜家你可以做...幫佢嘅係
1.)激勵同逼你朋友做劇烈運動...消磨時間同發洩哂唔開心嘅事!
個心會舒服d...好過冇嘢做亂諗嘢!
2.)揾一兩個女性朋友開解佢... 有時女仔易開口d同易接受d!
3.)直接揾個女仔講清講楚! 了解清楚...心安理得... 一針見血!!!
唔知內情要估估下...佢會好辛苦!!!

希望可以幫到你朋友!

作者: 5e16 時間: 2005-10-6 06:06 PM

佢未撞倒對男女之前, 我已經直接同佢講過
女ge九成都對佢冇意思, 鼓勵佢將精神放響其他地方身上
但係佢始終都係成日咁諗事情ge前因後果, 諗到自己好辛苦

我都認同佢冇左self confidence, 但係直接同佢講+鼓勵說話都沒有什麼幫助

做劇烈運動的確係一個好辦法 like 打籃球/跑步, thx for your suggestion

講番件事, 其實我都識佢地幾個, 不過唔熟
佢地幾個圍內係一班玩得好埋的close friend
所以個女仔唔show我friend, 我想只是因為個女仔feel倒我friend想追佢
但個女仔冇意思, 所以用唔聽電話/消失的手段去拒絶
個女仔唔似係玩弄感情ge人黎

宜家最緊要都係要鼓勵番個friend, 佢比較睇唔開, 諗野好宜易諗番d唔開心ge野
要其他人幫手拉番佢出黎

我最唔想見倒ge就係, 佢會對識/追女仔失去信心同興趣.....
大家仲有冇其他好建議? thx a lot

作者: BOYDWAN 時間: 2005-10-6 07:06 PM

唔駛安慰。男人最佳成長方法就係跌過、受過挫折先會成功；要知衰先至唔會再犯錯，所謂"知恥近乎勇"，你應該鼓勵佢藉呢件事積極强化自己、而唔係自怨自艾、怨天由人，佢再係咁所需要嘅唔係氹，而係鬧！一個人自己都唔幫自己，有乜用？係朋友就要佢起身而唔好陪佢訓低，ok？

作者: Rika 時間: 2005-10-24 04:57 PM

Originally posted by BOYDWAN at 2005-10-6 07:06 PM:
唔駛安慰。男人最佳成長方法就係跌過、受過挫折先會成功；要知衰先至唔會再犯錯，所謂"知恥近乎勇"，你應該鼓勵佢藉呢件事積極强化自己、而唔係自怨自艾、怨天由人，佢再係咁所需要嘅唔係氹，而係鬧！一個人自己都唔幫自己，有乜用？係朋友就要佢起身而唔好陪佢訓低，ok？

一萬個同意!!!

歡迎光臨娛樂滿紛 26FUN (http://26fun.com./bbs/)