娛樂滿紛 26FUN - Powered by Discuz! Board

標題: 以前曼聯就好似依家車路士? [打印本頁]

作者: yanmatthew2006 時間: 2006-1-14 10:17 AM 標題: 以前曼聯就好似依家車路士?

以前曼聯就好似依家車路士?

想當年不知幾多人憎曼聯, 話佢有錢先拎到冠軍
我相信有唔少呢D人捧緊車路士
但又唔覺得車路士係有錢先拎到冠軍.....

但其實我覺得無論以前曼聯定依家車路士都唔係用錢買冠軍
只係唔多唔少用錢買左個實力返黎!

踢波係11個人, 要講配合
冇人講過車仔每個球員都可以獨當一面
佢地Win到係因為佢地隊波夠團結, 個個球員都夠買力(因為要爭正選)
正如當初曼聯一樣
佢地Wn係因為個種打不死精神而唔係因為錢!
如果話錢可以買冠軍, 咁皇馬已經係一個矛盾.

我諗好多車仔Fans都開始感受到曼聯Fans當初個種難受!
不過講真, 係人有錢都想著得光鮮D啦
無論你係邊隊波Fans
唔通你想自己愛隊有錢都唔增強爭標本錢?
廢事俾人話用錢買冠軍?

我係一個標準皇馬迷!
希望所有捧自己愛隊球迷唔好再為呢D無謂爭議而怒氣

補充:如果車仔用我地眼中合理價錢去買球員, 我諗D球會實唔放人
足球商業化, D球會見到水魚就梗係掠得就掠
所以車仔一出就出高價買球員除左可能本身真係有"用錢壓人"心態之外
環境因素都有好大影響
等如拍賣咁, 賣家知你有錢仲唔抄高個價?

大家其實可以用另一方面去諗,
其實車仔用咁多錢買人, 反而可能有好處
咁樣可能可以解決到球會同球會之間貧富懸殊情況
雖然唔係立竿見影, 但至少令某D球會有Basic Buget去應付球會支出......

作者: wai0818 時間: 2006-1-14 11:14 AM

曼聯既成功同車仔好唔同
當年既大部份係費 sir 青訓產品
etc 碧咸 , 傑斯 , 史高斯 , 畢特 , 加利 & 菲臘 ....

而車仔最大既分別係 $$$$ !!

作者: 樂壇渣Fit人 時間: 2006-1-14 11:27 AM

成篇野整體上我好同意
就係唔好下下話人地係靠錢

BUT....有樣野我有少少另類見解

如果無超乎尋常既金錢backup, 車仔無可能要邊個有邊個
上至教練下至球員板凳
都係上上之選
如果其他球隊有咁既水喉射住
你都唔能夠否定樸茨茅斯之流可以脫胎換骨

最大問題係
依家隊波唔係話掟舊錢攪buildup就算, 日後既運作自負盈虧
而係野野就叫個老細自己囉錢出黎
咁仲成世界??
咁邊有得玩先??
足球 vs 石油, 咪玩咪, 無讀econ都知死梗

所以你講>>咁樣可能可以解決到球會同球會之間貧富懸殊情況
我個人覺得岩岩相反
賣球星幼苗只係one-off payment
唔會對球會有長遠發展有正面得著
只會令整個球壇偏向性越趨激烈

你睇下祖記最近既轉播權case
就知英超最後會變成點
而呢點先係阿布要做既野

商人永遠只有利益
問題只係佢玩得高章 or not

作者: 155220 時間: 2006-1-14 11:28 AM

Originally posted by wai0818 at 2006-1-14 11:14:
曼聯既成功同車仔好唔同
當年既大部份係費 sir 青訓產品
etc 碧咸 , 傑斯 , 史高斯 , 畢特 , 加利 & 菲臘 ....

而車仔最大既分別係 $$$$ !!

世上錢大晒

作者: buengland 時間: 2006-1-14 12:17 PM

Originally posted by 樂壇渣Fit人 at 2006-1-14 11:27:
成篇野整體上我好同意
就係唔好下下...

非常同意........

講反車仔同曼聯之分

曼聯話晒係80年代都係好梅........根本財政上就吾算得上得別過人

係費sir 90年開始係咁攞獎, 同球會經營有方, 而費sir帶領曼聯又踢得好悅目

咁啲人先鍾意曼聯

之後發展到成為啲人話佢係世界最大球會 99 00 01 全盛時期, 無錯買人賣人係得心應手, 係比起其他球隊有優勢, 但呢啲係曼聯過去10幾年努力經營的成果, 造成佢既規模, 係球員市場方面有啲優勢實在無可厚非......

車仔吾同, 車仔呢家好大程度上吾係因為有咩特別的經營之道, 令佢係買賣市場上取得咩優勢, 所有錢都係由佢老細果度來的, 佢宜家每年薪酬支出逹 15億hkd, 比曼聯高一倍, 如果無條水喉射住, 以車仔去年過10億赤字 (總之億億聲, 吾記得exactly), 普通球隊你話頂到幾耐????????

而且, 你係以天價既轉會費, 同天價既人工嚟吸引球員, 你唸下, 如果, 車仔出既價錢同曼聯, 阿仙奴, 皇馬, ac, 組雲逹斯一樣, 你估啲球員會選去邊間, 起碼各間球會之間都有得爭........ 分分鍾robben, 杜夫是但一個會去左曼聯都未定

作者: 20001160 時間: 2006-1-14 01:28 PM

對車路士我有一種睇法

其實我覺得最成功係揾左摩連奴
你話佢揾錢打造球會
但係都要識買人先得架
之前拉雲拿利<~~~唔記得個名係咪總之係車仔前領隊搞到
佢都係有錢任使但係一d成績都冇咁濟
所以除左有錢其他好多都係車仔成功因素
唔好只話車仔靠錢

p.s. 我唔係車仔fans

作者: ~風風風~ 時間: 2006-1-14 02:11 PM

Originally posted by 20001160 at 2006-1-14 01:28 PM:
對車路士我有一種睇法

其實我覺...

係咪講緊雲尼亞里呀
你話摩連奴識買人??
車仔而家好多勁人都係雲尼亞里買架炸~

作者: supportMU 時間: 2006-1-14 02:25 PM

Originally posted by 20001160 at 2006-1-14 01:28 PM:
對車路士我有一種睇法

其實我覺...

傻豬黎架~ 摩頭咪右係因為錢先過左去車仔

所以上至領隊, 下至掃地呀毛都係用錢引番黎~ 咁你話係咪金錢架利害啦

作者: runrun 時間: 2006-1-14 02:29 PM

Originally posted by 20001160 at 2006-1-14 01:28 PM:
對車路士我有一種睇法

其實我覺得最成功係揾左摩連奴

sorry! 我唔同意! 摩連奴只係一個行正運o既人. 講買人, 佢有咩眼光?

robben, 杜夫, 杜奧巴唔係佢買架~~ 係雲尼阿里買架! 摩連奴買左d咩"好"野? 1300萬o既基士文囉~ 2100萬o既胡禮菲立斯囉~

如果連胡禮菲立斯呢種貨色都用2100萬, 呢種已經唔係正常市場交易, 而係人為搞亂市場!

但曼聯o既成功, 係因為靠戰績贏取金錢, 而唔係相反. 曼聯咁耐以黎都唔需要有人每年億億聲咁泵入去. (我唔係曼聯迷)

作者: iknow 時間: 2006-1-14 02:55 PM

車路士點比得上曼聯！！！
曼聯之前ｇｅ成功係因為佢ｇｅ青訓成功，唔係用錢堆出黎，車路士最多只會有多一兩年命ｏｎｌｙ！！！

作者: shaqkobe 時間: 2006-1-14 05:07 PM

Originally posted by iknow at 2006-1-14 14:55:
車路士點比得上曼聯！！！
曼聯之前ｇｅ成功係因為佢ｇｅ青訓成功，唔係用錢堆出黎，車路士最多只會有多一兩年命ｏｎｌｙ！！！

佢繼續擺錢落去咪會繼續有得搞囉？？

作者: 路路 時間: 2006-1-14 07:18 PM

Originally posted by iknow at 05 11 09 02:55 PM:
車路士點比得上曼聯！！！
曼聯之前ｇｅ成功係因為佢ｇｅ青訓成功，唔係用錢堆出黎，車路士最多只會有多一兩年命ｏｎｌｙ！！！

冇錯,當年7小福係mu一手一腳訓鍊出來,
車仔除了泰利,還有誰是車仔出品???
當然摩怪係有佢一套,
可是我亦想看看俄漢唔在pay money時,
他能否一樣出色~~

作者: 艾奧羅斯 時間: 2006-1-14 09:40 PM

有錢唔一定係冠軍
失敗例子(皇馬/國米)

要董得運用先有用!
車仔既成功...係有佢地既本事!

作者: anakinchan 時間: 2006-1-14 09:58 PM

十分同意曼聯當時有錢，是靠自己管理得宜，加上出了一批有質素的球員帶起對波。當然曼聯當時亦買了堅尼和簡東拿回來，才令球隊上軌道。
至於車路士，他似拜仁一樣咁多人憎一樣，一見到其他球會有人，便立刻收購，阻止其他球隊出頭，好似ballack, lucio, 德斯拿，Ze Roberto等等。
我覺得Chelsea是似以前曼聯的，他們對自己有信心，我看了車仔幾場，他們在被迫和後，他們每每便再度領前。有太多人話佢好運，咁當年曼聯又是不是呢？
我覺得佢地有那種反勝的信心，才能使他們在最後十數分鐘入波，你可以話佢多球員上陣，有較多休息，體力較好，但無可否認，佢地唔會放棄比賽。

作者: chicken 時間: 2006-1-14 10:57 PM

ManU don't use big money to win Champions? How the King Cantona came to ManU?
Come on man. Most winners in all leagues are rich teams in that leagues.

作者: NaTuRaL_GiFt 時間: 2006-1-14 11:21 PM

其實我一直都咁諗....
90年代,曼聯玩晒,要咩有咩,雄霸英超10幾年...
2000後,曼聯d球員年紀大,開始"dup",青黃不接,就冒起o左隊阿仙奴...
幾年後,到阿仙奴青黃不接,Vieira走,Ljungberg+Pires+henry趺watt,咁就冒起o左隊車仔....
曼聯而家唔得,唔等如一世都唔得....
車仔勁,個人o黎講我唔覺....陣中有高質素球員,有有潛質球員,有個好coach,打出黎既波唔悅目,+上好多時有"收夠醜"之感,車仔勝在夠穩定,.....你話佢打風流波又好,mud都好....始終意見呢d野可以個個唔同
至於,你話以前曼聯就好似依家車路士我就唔覺..
車仔始終見唔到曼聯以前one,two入攝個d默契....

作者: nashisthebestpg 時間: 2006-1-14 11:37 PM

Originally posted by runrun at 2006-1-14 02:29 PM:

sorry! 我唔同意! 摩連奴只係一個...

我覺得摩連奴唔錯bo,
可能你話佢好彩,
但之前佢教波圖(有無記錯?),隊波實力都唔係好強,但都拎左歐聯~
摩連奴未黎車仔之前,車仔都有用好多錢買球星番黎,但隊波一樣好海鮮,
但佢黎左之後,重新切好陣容,跟住車仔戰績都穩到唔穩~

比起皇馬,國米等only識買球星,摩連奴買人好好多wo,
買d人都係識合球隊bo~
d球員又發揮穩定~
摩連奴真係一d用都無?

作者: lemon_kaka 時間: 2006-1-14 11:55 PM

無錯.. 摩記本身既領軍能力係唔錯.. 但係都要有一個好似林伯咁係球場造到晒摩記既野.. 講真.. 車仔唔可以無左林伯.. 佢係成隊既靈魂.. 泰利就係球隊既另一個重心.. 如果摩記唔識得重用佢地兩個, 車仔就算點買人都唔會有今時今日.. 有錢的確係可以組合到完美既陣容.. 但係識用球員先最緊要.. 睇番摩記買既人就真係唔多夠眼光.. 唔係買番porto d人就係買埋晒d 同價錢唔值既人.. 係轉會市場到係簡直失敗.. 但係用戰術同球員方面真係無得彈...
而家, 曼聯既青訓已經不復當年, 之前有一段長時間曼聯係咁不停賺錢但係就死慳唔肯買人.. 一買就買到成3千萬鎊既里奧同朗尼.. 如果一早就搵定人黎接替7 小福就唔駛搞到而家咁.. 曼聯班boss 本身望得都唔夠長遠.. 令到阿記同車仔係近年追到曼聯.. 呢d 都係自己種既禍..
如果一早諗到十年, 二十年後.. 唔係只享受當時既榮譽.. 放多d 精神青訓同埋搵定d potential 既球員去接替就可以擴大同穩固自己個皇朝..
不過車仔如果再只係不停用錢去買人.. 唔著手訓練後生仔既話.. 油王總有一日會離開人世既.. 到時車仔係咪真係可以咁成功呢?

作者: anakinchan 時間: 2006-1-15 12:56 PM

我諗車路士咁多人話是他們突然富貴，有數以億元的價錢收購球員，再加上壟斷英超，才有這麼多人討壓，因為他將許多一直熱捧曼聯、阿仙奴和利記的fans希望打碎，因為車路士不是一隊有很輝煌歷史的傳統勁旅(對比以上三隊)
此外，90年代，曼聯和阿仙奴的奪冠時各自都有競爭，亦有leeds, blackburn等成功突圍，令賽事有刺激性，榜首球隊分差不算太多，往往要在最終一場或季末才分出勝負。
但現在的chelsea，基本上已擊到對手，大家不能夠見愛隊有機挑戰或奪冠，便大失所望。
加上領隊語出驚人，收購的球員又出高價，才惹人討厭。

作者: iguana 時間: 2006-1-15 06:41 PM

我想講既係，除了錢之外，就講班主既心態問題
暴發戶同有錢商人，有吾同既心態。

車仔有錢買得起球員，雖然因為班主有錢
但暴發戶對車仔既態度，車仔吾係用來作商業用，就同有錢人買架法拉利一樣。用黎威既！
因為佢個班主想威，所有投資都係為隊波好！
所以車仔一定有好成績！

祖雲達斯或曼聯，他們老闆以商業賺錢為目的。
皇馬仲衰，無錯這兩年這球隊係賺大錢，但完全無贏得任何冠軍！
皇馬要所有星級既出場陣容做正選，吾理球員狀態
都吾係用想贏波既做出場陣容，但這些班主都有錢賺！
我反而重憎這些球隊既班主。

[ Last edited by iguana on 2006-1-15 at 07:02 PM ]

作者: Azuma 時間: 2006-1-15 07:06 PM

車仔有錢係事實
比人爭對都係事實

有錢唔係一個罪
我相信你要球隊係咁短的時間有咁大進步錢係一個好重要原素
難道你考得唔好
就怨自己屋企沒錢比你補習而人地屋企有
熱刺,米堡唔係太多錢但係都踢得唔錯
仲有
無一個商人會做蝕本生意
車仔蝕本係因為球員收購
相信犘師唔會想有車仔3隊或4隊
所以長遠係有錢賺
其實最簡單就係佢知名道已經好唔同

有錢買人?
係車仔有好多錢
不過好多人係上面都講過車仔的收購根多都唔成功
唔通收購失敗都係球隊致勝原因
仲有車仔收購係無天皇巨星好似mu 買rio ronney

以本傷人?
真係唔明
人地知你有錢唔通仲用正常價錢賣比你?
如果真係以本傷人就應該買曬人地想買的人令到人地買唔到人
卡斯辛奴,艾華......買曬佢

用上一年的阿仙奴同車仔作一個比較
阿仙奴陣中的世界級球星一定比車仔多
其實大家如果一直有玩fm or cm
都會明白
mu,arsenal都有一個稱皇不接的問題
人老表演下降
我欣賞雲加,賣走葦拉有資金去重整球隊

最後
我鍾意過mu,arsenal 同車仔
mu去賣走beckham 後的費sir做o左一連串失敗的收購
預資o左3年tran budget 買 rooney 值唔值得我唔知
但係mu,自己唔爭氣係一個事實
arsenal
係一個樽口位
一班年輕球員係球隊越來越重要
假而時日一定可以同車仔鬥

作者: cwc_tkd 時間: 2006-1-15 08:18 PM

mu搞到而家咁, 青訓不復當年勇係其一;
賣走好似碧咸咁有影響力,英超經驗同經濟效益係其二;
其三,我覺得就係唔留住簡容.

簡容用左大約7-8年ge時間,
令到mu成為全球最高知名度球會(當然班波成績好都係主因啦~)
係足球界知名度一高,班波又好, 自然大把$$

當放走佢之後, 雖然mu一樣高知名度,
但係隨住mu水準下短,
mu亦冇左簡容係歐洲足球界ge"關係".
簡容另一個值錢ge地方就係呢樣,
冇左簡容, mu有好多想買ge球員都買唔到.

而家佢去埋車仔, 係另一個角度黎睇,
亦令車仔更強大

所以我覺得以前 ge mu同車仔係有少少似~

關於上面所講ge野~
我係以前睇報紙睇返黎~
有咩錯或漏,
請多多見諒..

[ Last edited by cwc_tkd on 2006-1-15 at 08:19 PM ]

作者: ThomasKoon 時間: 2006-1-16 11:26 PM

我自己係曼聯迷﹐不過都要承認呢2年﹐曼聯的確不及呢架車﹐不過如果講買人眼光﹐我更加佩服雲加﹐佢當年買亨利番黎﹐都唔係咁多人睇得上佢﹐而且亨利係中場出身﹐而雲加就買咗佢番黎﹐仲成功將佢改造成為一個前鋒殺手﹐好野﹗

作者: cfccfcc 時間: 2006-1-17 12:09 AM

雲加?買人眼光好?....我唔咁肯定
2xm買雷耶斯無人講.....講既都仲係當年買韋拉,亨利,法比加c....
唔知有幾多個係買左但係一舊垃圾
數埋多到爆........Keeper都有好多個啦,呢幾年.....找人去法國買後生仔,十件梗有三四件好似toure咁跑得踢得..........不過年中都唔知比左幾多false hope d法國仔~

歡迎光臨娛樂滿紛 26FUN (http://26fun.com./bbs/)