YingTung

個人都有打開snooker，一星期最少要打一次，如果唔係會好唔自在。
成日都見到好多人ｏ係度吹高自己幾皮，
講真，個個留言都話自己一break有四五十度，
其實係咪ｏ係練習枱打出黎（練習枱ｏ的袋口超大超廣），
如果你ｏ係返正常鋼cue枱一桿打四五十度，其實已經可以參加業餘比賽。
如果兩個人都打到”7x vs 6x”，一係真係球球都set黑柴，一係就不停大家鬥失誤。
我唔係唔相信人地勁，但係一桿四五十度如果自己學，我諗都要好多年時間先打到，當然如果你搵師傅教set cue又係另當別論。

YingTung

以前細個會去新旺打,因為以前平,不過o的枱差到不知所謂,養成唔好既打波習慣。
之後就開始轉地方,黃金,銀都,金輪,皇雀,奧運,名門同好多不知名既波樓....
而家打蘋果,覺得枱既質素都ok~
我相信你地打左十幾年,應該已經o係一個地方札根喇卦~唔會再出去周圍試新波枱。

YingTung

哈~我同朋友篤波係唔講野架~通常篤到第六、七局先開始一路打一路傾計。
因為到尾聲所以開始放鬆同傾閒計。
其實波樓真係好多扮野人,扮野唔緊要,我覺得如果你真係有料就可以串得起,
有o的人成日大大聲講:係咪打波鐘,打波鐘我會認真好多....
我就會留意下呢o的人係咪咁勁,結果...
自己本身唔係勁,所以打波都唔會講咁多野惹人留意。

YingTung

哈~~我見過有班人大大聲話玩十蚊一度~~
點知一睇佢地打又係麻麻地波o個隻,
(即係入球黑柴八度已經好自滿o個隻)
然後佢地最後既分數好似係"28-12"......(未打啡波已經投降~)
o個個拎28度既咁就win左百六蚊...win左錢仲大大聲話:唉~~~咁就win你百幾蚊,有無人想挑戰下我呀...
一.一"　...........
PS:你地同朋友打波係鐘意玩防守，定進攻波多？
我個人唔太鐘意一開波打散佢，然後同朋友玩打快波。始終鐘意打傳統set cue同埋慢慢set住黑柴咁round落去（感覺好有打147既感覺，但係通常一搏炸pet就中招..）

YingTung

哈～～一大班人我地都會玩抽珠仔同賭少少錢。
不過原則係揀最偏ｏ個張枱，免得又嘈到人，又五六個人圍住張枱阻到其他人咁．．
我地唔識玩打樽，成日見到班阿伯玩打樽，但真係唔知點玩法～
有次個朋友話識玩，教到一半又話唔記得、又唔肯定．．．．．
呢度有無人教下？？