李嘉誠與麥當勞、五芳齋的三角關係

audurey

北京老字號「五芳齋飯莊」創業於1924年，以經營江蘇菜為主，經過幾次搬遷，最後鋪址座落於王府井大街上。

五芳齋曾經盛極一時，但可惜菜式和經營方法幾十年都一成不變，結果最終走向沒落，於1992年黯然結業，並將鋪址讓與麥當勞，開設北京第一間麥當勞分店。

麥當勞分店開業第一日已經賣個滿堂紅，之後更加銳不可當，打敗北京各大小食肆。

1999年李嘉誠與北京市政府合作，收購麥當勞分店所在地皮，興建東方文化廣場，並用推土機將空置的麥當勞分店夷為平地，為國家出咗一口冤氣。

不過任憑李超人如何財雄勢大，都阻擋唔住麥當勞的咄咄進逼。依家麥當勞已經席捲中國各大小城市，迷倒萬千少男少女。


(以上故事屬真屬假，留待各位看官自行判斷。)

[ Last edited by audurey on 2007-3-19 at 05:52 PM ]

audurey

突然之間諗起《紅樓夢》

假作真時真亦假

audurey

Originally posted by vv1668vv at 2007-3-19 11:20 PM:
王府井大街
是北京最有名的商業街，...

估唔到真係有人check我講真定講假，以後吹水真係要小心啲。

audurey

Originally posted by vv1668vv at 2007-3-20 12:11 PM:

霍生 同 李生  系首都既投資...

唉！唔少老字號都已經今非昔比，追唔上市場變化，聽講當中有部份仲係嚴重虧損。

樣樣都下滑，唯一有增長的地方，就係侍應小姐件旗袍開叉位，越開越高。

[ Last edited by audurey on 2007-3-20 at 09:14 PM ]

audurey

Originally posted by bigfish at 2007-3-22 03:14 AM:
m 記都係百年老鋪啦
中國人要順應潮流, 學習西化, 如果唔係就會好似五芳齋咁俾人淘汰 la

今次唔再講笑，講正經嘅。

當年中國實施閉關政策，令致國內商人與時代脫節；改革開放之後，政府又對外資諸多限制，以保障本土企業，結果就係令到本土企業產生墮性，慣於安逸；再加上公私合營，令企業喪失自主權，最後一旦遇上競爭，就變得完全沒有招架之力。

另外一個令本土企業衰落的原因，就係中國人的民族情緒太強，欠缺包容，唔甘心去學習西方管理知識。其實所謂西方管理學，只不過係將 common sense 系統化。就好似上面提過嘅百年鞋店「內聯陞」，內聯陞當年致勝之處，就係佢哋嘅《履中備載》(即係 customer database)，當中記載所有曾經幫襯過的京官個人資料，包括鞋子尺碼、特殊腳形及喜好等，任何人如果想巴結京官，只要去內聯陞落個 order，就可以訂製一對朝靴作為禮物，呢啲就係現在外國企業講緊嘅 CRM (customer relationship management)，其實中國人比鬼佬更早實踐CRM。

最抵死嘅就係有部份本土企業唔單只冇去改進，反而走上歪路，結果就出現咗咁多有害食品。