locklock

水手在日本已是退色強隊，再者今次只派出二線青年軍來港作賽，但南華就精銳盡出，
開場係威係勢入一球，之後無以為繼，越睇越悶，上半場更被追平了，已經不值一提了。

下半場更比班小朋友壓住黎打，明顯水手教練級數比米路高出好多，睇佐個上半場，
下半場執執位，南華以無力招架。最後南華靠基斯亂軍得手，才能迫成２：２，
更甚者２：２後打小個，差Ｄ就比水手攪惦。射十二碼無話高低之分，純講運氣，
南華運氣也不錯，贏得驚險。
（南華全場打得最好，在我個人而言是基斯，好似杜林咁ＦＥＥＬ！）

無乜心機去開這個題，需然有好多野想講，但係一隊都打唔贏班未開季既小朋友，
香港足球呀！香港足球呀！香港足球呀！

　　　　　　　　　　　　　　　　　　　　　　　　　　豬年快樂

[ Last edited by locklock on 2007-2-24 at 06:14 PM ]

locklock

Originally posted by hongkongpeople at 2007-2-24 07:02 PM:
lock lock 兄有一點不讚成一點讚成
...

如果用場咁既波來興祝南華會，我想南華會真係要檢討檢討，可能快上快落就叫精彩，
但本人認為精盡的傳送和配合才是本人想看見的東西，為何日本小朋友做到的，香港
大朋友會做不來？如果今次水手派一隊，起不是我們要大敗而回？

可能免費真係好抵睇，但係都唔可以接受南華連日本小朋友都打唔贏的事實。
日本波是擺明車馬打左右兩翼側擊，但明顯南華防側擊能力十分之弱，沒有起到
連防的作用，日本小朋友入的兩球都是側擊插入。

而南華入第一球和第二球都有幸運成份在內，第一球是快開死球，對手不大適應情況下
失守，但很快便能穩住陣腳，調整回來，之後上半場南華可話係原形畢露，上半場更慘
被迫和，其實睇真Ｄ唔係日本小朋友把握不好，而基斯有上佳現出，南華一定會輸球回
更衣室。

下半場出來，明顯水手小朋友隊已作好調整，兩翼攻勢更加明顯，最後對手是在大禁
區角放冷箭得手，反超前１：２。如果不是基斯上上落落，南華一早已輸球收場。

本人不是不愛南華，但問題係連小朋友都打唔贏，係咪要檢討檢討！為何在第一球得
手後，南華不再加強壓力，另對手上半場便輸夠兩球。反而要龜縮回後場？百思不得
其解！

　　　　　　　　　　　　　　　　　　　　　　　　　　豬年快樂

[ Last edited by locklock on 2007-2-24 at 08:15 PM ]