大哨98世盃失準之謎解開啦

leeyanta

巴西軍醫揭開九八年世界杯「決賽之謎」！巴西國家隊係九八年世界杯決賽以○比三不敵法國，有傳聞指朗拿度賽前在更衣室抽筋，但領隊薩卡奴仍堅持要佢上陣。事隔七年，當時身為軍醫既格拉瓦終於爆料，佢話決賽當日，佢測到朗拿度血糖下降，佢通知薩卡奴叫佢唔好畀朗拿度上陣，但係薩卡奴卻一意孤行，結果招致大敗收場。

格拉瓦現時係皇家馬德里既軍醫，好有權威，佢既意見足以影響皇馬既收購。格拉瓦仲爆咗好多秘聞，佢話羅馬里奧被迫係九八年世界杯前退出國家隊，原來係佢腳傷好嚴重。此外，格拉瓦亦提及皇馬新星羅賓奴，佢話皇馬遲遲未收購羅賓奴，其一原因就係要驗身，一定要證實羅賓奴冇穿冇爛至肯入貨，真係巴閉。