敖嘉年斥內地人打尖 被強国人鬧到閂微博

shehboy

話說噚晚佢喺微博寫咗以下文字:「剛在超市排隊，突然有一位內地同志打尖，排在我身後的外國人用英語開我點解你們中國人會這樣的，我只能跟他說:"I am sorry"。點解？因為我也是中國人，羞恥也。」

喺微博寫啲咁嘅嘢，自然俾內地網民鬧爆啦!你以為好似翁靜晶咁樣喺fb鬧自由行打尖就話啫，喺微博……唉。網民大軍點樣鬧，大家都可以想像到。

其實敖嘉年唔會唔知佢掟呢嚿石頭出去有乜嘢後果，但佢話:「文化提昇是要過程，要面對，要提出，要反思。我們做藝人，不只是在微博發發相片，說些甚麼今天過得甚麼，其他就不能說嗎？當然一定會有很多人出來反擊，但要對號入座我也沒法子。」

平時敖嘉年個微博唔算熱鬧，但噚晚就真係好熱鬧，內地網民水軍一樣湧至，有人鬧香港人都打尖、豈止內地人，有人又鬧「哪裡來的優越感？」、「你們香港也不見得人人有素質。」、「如果香港人是這麼做你也不會發上來吧？」真係離奇。敖嘉年有邊句話香港人冇打尖？點解啲內地鍵盤戰士炒埋一碟混淆視聽嘅？仲有人話:「香港和內地之所以關係不好，大概就是有很多像你這樣的人。」、「甚麼是內地？甚麼是香港？有問題要一起解決，而不是在這種狀況下才去區分你是內地人我是香港人。」香港就是香港，內地就是內地喎…

至於點解敖嘉年肯定打尖嗰個係內地人唔係台灣人呢？因為對方打開銀包時，敖嘉年見到佢張身份證。結果呢，如前所述，一心想大家可以反思一下自己嘅敖嘉年，決定放棄:刪微博，並謂:「相信很多討厭我的人會開心一刻吧。但請記住，甚麼是問心無愧。行出街時眼睛可以正視別人。再見。」

shehboy

如果中國人真係喜歡排隊, 外國人,香港人真係打尖更多,

點解個外國人會有咁既印象, 問點解中國人係咁. 點解無人會覺得日本人係愛打尖的民族?