【原創】人生百態

FUWING

大家有沒有試過係巴士見有人好大聲講電話，嘈到你想郃下都唔得呀？有冇見人係巴士食生果但將D皮隨處掉呢？有冇係餐廳食食下野見到隔離臺個師奶同佢隻狗一齊分享緊碟炸豬扒呀？當然大家睇到呢D情景既時候，係咪心裡面有個疑團升起。你唔明點解有D咁既人做埋D咁既野，你唔明點解狗可以食人食既野時原來人都得，你唔明D人點解喜歡將身邊既野大聲咁同人分享。

每天發生係身邊既事情有時真係會令你費解，正如你見到點解D乞衣可以係垃圾筒執野食又唔會食物中毒，點解有人豪食三斤重既老鼠班就中雪卡毒，點解有學生冇錢交學費自修可以拿十優的同時有學生放學上十科補習班仍然不合格，有流浪漢大熱天時著住十件衫仲有件爛棉褸通街行仍然感覺好舒服時亦有人剩係著件背心都中暑入醫院，點解你去酒樓飲茶拿住張342號籌而家陣叫到131號既同時有人指住個鼻行入去就有侍應開茶遞毛巾，點解以前去泳池游水成個池面都係蟲屍D人都照游但而家見到一條紅蟲就要封池清潔一樣，原來呢個世界除左宇宙係點黎，有雞定有蛋先之外，每日還有很多沒有答案的問題不停圍繞著你發生。而我們通常既處理方法不外是處之泰然，怪今天霉運讓你撞到，心裡想希望明天會更好咁啦。若果是硬要尋根究底的話，恐防你有龜咁長命都唔夠用。哈哈哈。