amigofans

無可否認, 兩場已經失掉四分, 係競爭愈見激烈既英超, 呢四分唔可以完全當無問題...

但回顧近10季曼聯開季3場既成績...
9分 3次
7分 2次
5分 3次
4分 1次
3分 1次

5分以下乃占50%, 可能大家唔記得, 曼聯一向慢熱, 當然07年既今時今日仲慢熱,
有無著數, 此乃另一話題....

下場星期日曼城打比戰, 對手艾歷臣麾下2戰全勝, 氣勢正盛, 好多朋友唔睇好曼聯...

但個人覺得曼城完全未受過考驗, 作客贏後防一如上季混亂既韋斯咸,
同主勝降班大熱打比郡, 到底係艾歷臣功力使然, 定係對手太弱?

曼聯2戰只得2分, 打黎有攻勢但入球少, 前線人員明顯不足, 對手每用緊迫就有收獲..
但一早指出作客樸茅乃頭5仗最硬一場, 皆因曼聯過去幾季作客烏普頓係輸多過贏...

可能曼聯向來係眾矢之的, 所以一打得唔理想, 少不免大家會談論...
小弟覺得問題雖有, 但絕對唔係咩大問題, 不過講得太多又被人話我此類fans盲目云云..

星期日大家就知道戰果, 且看曼聯會否又再失分, 再創10年以黎3場後得分最少既新低..

但有趣一提, 近10年最低分開季, 3戰3和果一季, 正正係曼聯3冠皇果一季...
咁快就講曼聯一定係要後上? 會唔會早過頭?

amigofans

Originally posted by locklock at 2007-8-17 12:05 AM:

安達臣和巴西國家隊參...

首先你講既未免太過神化左摩連奴, 佢強係人所共知,
但重要係佢背後有個財雄勢大既老細....

嚴格黎講, 無話咩帶放好or後上好, 一齊在於賽程編排, 狀態既起伏,
車仔能夠連贏兩季, 絕對同帶放無關係, 佢能贏除左本身強大之外,
亦因為對手阿仙奴, 曼聯正係高潮過後換血之際...

其實睇番上季, 就知道無話帶頭一定係英超新生態...
曼聯帶足4分3季, 但季尾幾場被車仔追到氣咳...

若果唔係愛華頓戲劇性輸比united, 車仔又戲劇性被保頓追和...
上一季最後邊一隊係冠軍仍係未知之素....
所以邊個咁講後上一定贏唔到冠軍?

而且最重要一點, 同後上or帶放全無關係既, 就係實力!!
沒有實力, 任你帶放也不到尾...
若有實力, 怎樣落後仍有機會後上...

仍然堅持聯賽仍然係車仔曼聯之爭, even 曼聯已經落後4大分...

最後一提nani同anderson, 曼聯根本無諗過今季要靠佢食糊...
只不過因為佢地身價高大家先當焦點所在, 其實佢地係替補giggs既長線投資,

反觀若果夏格維斯同tevez無表現, 曼聯今季先可算係收購上失敗!!

amigofans

Originally posted by locklock at 2007-8-17 01:04 AM:

神化？實力用神化來解讀，未免有點...

佢係神仙? 好領隊當然贏盡冠軍, 有邊個唔係? 佢高深d? 我又唔覺得wor!

雲加由法國贏到日本再贏到英國, 費格信冠軍獎牌多到數唔晒,
賓尼迪斯一樣贏完西甲贏歐協, 去英超就再贏歐冠...

如果佢地要做個list, 咪一樣嚇死你....

仲有卡比路, 希斯菲特, 史高拉利個 list 一樣嚇人!!

帶放取勝, 因為車仔有實力, 跟帶放戰術完全無關係,
維拉, 愛華頓, 查爾頓都最愛帶放, 唔通佢地最後就贏到阿仙奴同利物浦??

再講一次, 最重要係有實力 !! 實力唔夠帶出黎都無用!!
就算而家係車仔落後曼聯4分, 都唔代表曼聯最後一定放得到, 車仔追唔到
因為上季已經答左你, 因為大家實力近, 始終都係要鬥到季尾...

一季會有好多突發事, 球員停賽, 受傷, 狀態, 多到數唔到,
如果強調摩連奴字典無後上, 先係一種輕視....

即係點? 10場帶唔到出黎就放棄聯賽去打歐聯? 咪人人變晒賓尼迪斯?

[ Last edited by amigofans on 2007-8-17 at 01:33 AM ]

amigofans

Originally posted by locklock at 2007-8-17 01:43 AM:

講緊英超，拉到無雷公咁遠，都唔知...

拿講得太多, 你又以為我咩都駁你.....
理性討論下...

雲加唔勁? 佢捧出黎果d球星多都數唔晒, 人人都有善長地方,
千其唔好睇少雲加, 摩連奴贏好多歐聯咩? 一次咁大把!!

仲要呢3季, 歐聯都係第一目標, 都係落空,
佢唔勁咩? 唔關事, 因為歐聯可遇不可求, 唔可以因為雲加無攞過就睇低佢!!

提過你脫腳既唔係卜比笠臣, 係紐卡素...佢地咩領隊都係咁, 只今季第一場例外...
如果卜比笠臣帶葉士域治果時都係漏閘既, 你就可以咁講....

至於你意見係而家英超係咩戰國時代, 你睇好曼城紐卡素呢種中游隊...
而家口同鼻嗌, 打到季中, 你就明佢地同頭四強既距離....

至於又講打波會比面, 咁點解大sam要比面老費又唔比面摩連奴呢?
唔通老費係佢老豆?

amigofans

其實個問題咁主觀, 睇法只會壁壘分明....

捧曼聯既, 咪覺得佢可以lor...

捧車仔,阿仙奴同利記既, 咪覺得佢地死梗lor....

如果要講客觀, 根本係廢問題, 一季38場有成114分,
而家先失左4分, 憑咩話佢唔得先....