amigofans

Originally posted by 尺分屹八4 at 2007-11-1 06:46 PM:
以下係個人意見分析討論, 歡迎討論

...

首先申報利益, 我係曼聯既....

阿仙奴既好表現的確係有d喜出望外, 預期佢地會好, 都想唔到係好到16戰15勝1和,
但所謂眼前一亮, 同大家季初太過忽視佢地既實力有關,
其實佢地上季季中打後已經愈來愈好, 只不過大家當佢地無到咁解o者...
季初覺得曼城, 韋斯咸同熱刺好過阿仙奴既老友們, 唔知而家點睇呢?

不過我既意見同你有些少唔同, 上場阿仙奴之所以贏唔到, 除左欠運,
同佢地仲係[b]太嫩有直接關係, 所謂打法悅目, 其實好多球係做得太多,
即係明知對手成個禁區都係人, 傻既都睇到既撞牆佢地照撞可也....

反而講到體能, 我完全唔覺佢地有問題, 會唔會你攪錯左, 上場波...
最後無貨賣要縮後果隊好似叫利物浦.....
阿仙奴最恐怖既力量絕對係佢地班後生既體能同動力....

個人覺得佢地已經做到100分, 但唔代表佢地無敵, 因為可以睇番d對手...
大多係榜下游既分子, 而且今季佢地主場極多, 16場波只有6場作客...:nogood

後防雖有改善, 但仍然係上年果個毛病, 即係一遇到體力形既高q大棍就怕怕,
新特蘭大打英式就差d和波, 阿仙奴同上年一樣, 會失分比屈福特之流既魚腩,
皆因對手一打簡單波佢地就死得....

amigofans

至於曼聯, 相信有眼既都睇到佢地季初既"夢幻"開季....
由對雷丁到韋根果場, 曼聯連半場似樣既都無, 全無霸氣, 攻力疲弱,
所謂既零失球, 全係好運所致, 大大話應該必輸既波有5球以上...

當季初持續呢個"夢幻"狀態果時, 有朋友仔大力評擊迪維斯, 又話咩要有高大中鋒云云...
其實曼聯10幾年都唔係打高佬前鋒, 到朗尼番出黎一甲落去, 大家先會收口...
相信呢一排無人會攞番果個高大中鋒既問題出黎講啦....

你提到rooney同tevez之合作可以比美黑雙煞, 但個人對佢地期望最大,
因為佢地本身已經係獨當一面既一級球員, 如果持續落去有呢種合拍,
相信可能會係曼聯有史以黎最可怕既前線組合....

至於你講夏格維斯既野, 我唔同意, 佢雖然未到最fit果個水平,
但佢果種動力同搶截, 堅尼走人之後佢肯定係第一人,
每當mutv一講佢點表現既時候, 每次都可以好輕易咁剪輯到好多佢搶截同走動既片段...
我敢講現時佢絕對係中場中最重要既球員....

至於蘭尼同安達臣, 雖然已經係葡超打出名堂, 但其實仲好後生,
即好似阿仙奴班細路一樣, 但好就好在今年giggs同史高斯認真麻麻....
而且中場d人成日有傷, 攪到蘭尼同安達臣多左上場機會...
單講蘭尼果兩腳世界波, 記憶所及c7第一季都射唔出咁既水準既波...

唔同意你講曼聯打法獨食, 勉強講得通既只係c7同saha, 但saha永遠係最前一人,
佢獨食絕對唔係問題, 其餘落黎既人都係鐘意比波走位, 根本唔存在獨食之說....

amigofans

而於講番場波既戰果, 客觀講阿仙奴就高小小, 皆因主場也...
而且睇番上季2場, 似乎有格食格之勢, 其實曼聯弱於中場唔夠硬淨,
所以對住強中場既車仔同ac就立即現形...

尤其史高斯同傑斯, 一迫就會甩, 所以上年兩對阿仙奴, 下半場就頂唔到反輸...

尤其阿仙奴最近個勢, 雖然對手唔強同主場好多, 但個勢已經打左出黎,
呢班後生仔又快又好戰意, 好起上黎唔講得笑....

不過, 好就好在曼聯今年都加左好多年青活力, 史高斯咁o岩仲傷埋,
出anderson可能控制節奏會差d, 但活力又大大提升,
如果老費係進取既, 大可大膽收起埋giggs, 實行同阿仙奴快打快...
大家攻力都強, 但曼聯後防點都好過兵工廠....

不過客觀講, 老費執到一分已經等於贏波, 因為曼聯經驗一定比阿仙奴好九里,
漫漫長路, 實在無必要同佢地硬拼....

1分收貨, 3分就去還神啦...