amigofans

又唔可以用中超黎相比, 因為歐洲聯賽水平同投資, 加上人工都高中國一大截...

我一直質疑集團式做假, 打假搵水既可行性, 呢單新聞與我既睇法不謀而合,

第一, 我一直唔認為一d合法既大莊家要操控賽果, 因為佢地本身係"訓係度都收錢", 而今次佢地要封盤就足以證明..

第二, 如莊家無參與, 咁球員本身做假是否可行? 呢次牛刀小注已經驚動莊家, 小報報導, 都未計投資千萬既老細會有咩行動...
我絕對唔相信有人可以長期以此技搵水....

假設每一個足球員皆無理想, 目的只有錢, 就舉例兩支球隊合作, 君子協定先讓"首名入球"最冷的球員入球, 之後先打真軍比賽,
咁以普遍最冷門既左右閘球員30倍以上黎計, 平均一個歐洲球員月薪大約300萬港元, 大家認為係有"默契", 明知一定收錢既情況下,
一個球員會投注幾多個月月薪? 數千萬再乖30倍, 世界上有邊個莊賠得起又蠢到唔封盤?

下次輸左錢既朋友們, 係講球員打假前可以想清楚呢一點,

做假其實正正係無難度, 問題係可不可行,
尤如放你入金庫, 叫你偷一條金條, 易過借火, 但點先可以暪天過海全身而退, 至係難過登天....