amigofans

8# Winters

朗尼咩皮性大家有眼睇, 唔係痛到入心佢唔會有咁既表情, 我覺得用柺杖走果度應該無扮野之嫌,
其實值得出奇既反而係d科技, 如果無傷到筋骨, 而家確係有好多方法令你迅速復原...

而佢得78乖都用佢唔用貝碧, 值得考慮既反而係b9既前途, 明顯地佢係費sir心中既地位同朗尼差9里...
連macheda後備上陣都可以執番車仔一球, 相反正選既b9完全無料到, 今日又再買多一個墨西哥仔,
出年仲會唔會見到b9, 係一個問題....

450陣式方面, 係大家唔明白費格遜呢種領隊, 班迷認為唔可以頂到完場, 但佢認為可以一博,
就如上場對車仔, 一場咁重要既賽事, 放剛踢完歐聯既3老落場, 係咩目的?
原因係佢目標係和波only, 因為上場作客輸比拜仁需要有調動, 唔出卡域克, gibson, nani同拉菲爾明係留黎打拜仁...

球迷覺得冒險, 太腦定, 太理想化, 正係佢既成功之道, 就係佢算到咁盡先可以贏咁多冠軍,
反觀不善留放, 不敢冒險, 太實際既如賓尼迪斯, 係英超咩下場大家好清楚...

而家同你地博輸左, 大家可以覺得佢係攞黎輸, 但比佢偷雞博贏左果時, 大家可有記得?
諗番幾年前fa cup一場, 阿仙奴同曼聯居然不謀而合收晒車馬炮, 正正反映雲加同費格遜係同一類人,
亦因為咁, 佢兩位先可以係英超乞立不倒, 下次大家要怪老費之前, 不仿可以想下呢一點....

amigofans

9# HansChan
至於你話泰利特登射失 ...,
一來我唔信佢有咁好技術想射柱就射中柱,二來無記錯外國傳媒話佢係唔妥老摩,
馬基里尼仲話係泰利告狀踢老摩走.當然係真唔係我就唔清楚啦 ...
Winters 發表於 2010-4-9 03:22 PM

你咪話, 我有次係車聽到有人講華倫和波一場(唔記得對咩),

"而家佢地好高架, 你睇衛拿果球, 睇住條內柱黎射, 彈番出黎再打飛機"

聽到我都想笑, 其實賭波既朋友們覺得踢波係打winning咁easy既朋友, 最好自己攞個波落球場踢下....

我覺得如果d球員, 踢一個咁大既球場度係咁走, 走足90分鐘, 仲可以鐘意射邊度中邊度, 連彈柱都可以控制自如的話,
咁美斯, c朗, 朗尼, 都唔係顯得好好波....

amigofans

你講咩呀老友???
完全get唔到!
HansChan 發表於 2010-4-9 03:53 PM

里昂法國架ma...哈哈...

不過大家都係唔好太陰謀論啦, 柏天尼係白痴都好, 都無必要係要做瓜d英超隊既,

到下次投票選uefa會長果時, 英格蘭有一票, 德國佬咪又係得一票....

amigofans

哩個世界係好光明,足球比賽係一定好公平,一啲黑暗都冇!!
球証係一定唔會收錢的,球員係一定唔會收錢的,賭球必定冇操控的....最緊要係,哩個世界係冇打假波!!!一定冇!!!
我諗之前成隊祖記俾人告打假球,俾人重罰降落乙組 ...
HansChan 發表於 2010-4-9 04:14 PM

我咪一路問緊你地, 收錢也好, 比面又好, 點解只係做曼聯生意, 冷待其他19支英超球隊lor, where's the point?

我無話到450明智wor, 我只係講你地知, 佢既性格係"博"同"算到盡", 而且呢點正係佢起家之道, 佢咁做係好正路,
如果你鐘意聽到要鬧佢既, 可以話"狗係改不了吃屎"去形容佢, 咁會唔會舒服d?

最後, 由朗尼傷出賽後開始, 費格遜都係講"not a serious one", 第2日傷完scan左都公佈話無傷到骨,
even我地扭到筋, 正常查下趺打酒兩星期咩都好番, 我唔明白成隊health team幫佢, 8日消到瘀血疼腫有幾impossible....

amigofans

我覺得球証係冇甘大權去只"支持"一隊.....背後既問題係邊個係話事!!
哩個世界就係有太多太多如"你"哩啲跟紅頂白既人先會做得出一啲"絕對"既熱門!!甘既然英格蘭足球由十多年前開始慢慢受世界歡迎,而曼聯就一直多人鍾 ...
HansChan 發表於 2010-4-9 06:25 PM

哦, 原來係咁, 就因為要做就曼聯更受歡迎,

超級富豪艾巴莫域年年一大舊錢, 輸足三年都係為曼聯...

兩個美國佬, 蝕錢蝕到入晒肉, 隊18年都攞過聯賽既利物浦, 年年輸都係為曼聯...

仲有曼城果幾個中東王子, 紆尊降貴黎英超, 一桶金倒完一桶金, 都係為左做曼聯...

仲有熱刺老細拉利, 香港佬楊嘉城, 原來千萬投資都係圍威喂....

咁要拑得住呢班財伐同皇子唔出聲投訴, 唔攪串party既呢個"幕後玩家", 神權之大, 真係超出人類既知識範圍...

btw, 曼聯既美佬老細格拉澤, 無啦啦咁so, 每年洗唔洗比番個俑"幕後玩家"?
定其實佢地傀儡黎? 話時話如果係既, 我 mail 比 red knight 班友, 叫佢地咪擺烏龍wor....

amigofans

"朗尼咩皮性大家有眼睇, 唔係痛到入心佢唔會有咁既表情, 我覺得用柺杖走果度應該無扮野之嫌,
其實值得出奇既反而係d科技, 如果無傷到筋骨, 而家確係有好多方法令你迅速復原...


最後, 由朗尼傷出賽後開始, 費格遜都 ...
HansChan 發表於 2010-4-9 08:22 PM

make sense d 啦,

91分鐘比人踢中偷甩個波, 睇住自己後場比人入波和變輸, 冷靜到即刻已經諗定要訓地扮野, 為下星期出奇不意正選鋪路?

其實你試過扭到腳腕or 拗柴未? 無錯, 可能係你, 你痛都會照行無所謂

但一個身價幾千萬, 曾經斷過兩次右腳腓骨, 仲係全英格蘭隊既焦點既朗尼, 係未清楚自己咩傷, 距離世界杯唔夠兩個月之下,
著隻保護靴, 唔比隻腳落地用柺杖, 算有幾咁誇張? 要注意係因為佢係朗尼先有人去影, 平時大把呢d case,
我估連馬爾代夫既軍醫, 都唔會叫一個咁既傷兵, "你就咁行番去啦!"

認真講, 唔通拜仁真係白痴到, 無計過朗尼會出戰? 係咁當晚Demichelis會唔會on車到唔識mark佢, 四圍搵貝碧扥夫係邊?
嚴格講, 或有可能會令雲高爾措手不及既, 反而會係gibson, 而唔係朗尼...

amigofans

老費都叫冒險?前晚出個對強隊腳軟嘅貝碧托7出黎,而唔換新仔出黎搏下,就知佢幾保守.
打450想偷雞...你話460都仲可以,你對住拜仁,無左個唯一可以凍結列貝利嘅拉斐爾,以為可以係剩底個三十幾分鐘守住勝局?
費sir舊年決 ...
Winters 發表於 2010-4-9 09:19 PM

打424, 南韓式78個fw先叫冒險? 做教練唔係打一場波only, 係一年5 60場既一個棋局,
正如對車路士諗住得過且過求一分, 留力戰拜仁唔係算到盡既賭仔性格?

講番星期3, 一個名額已經用係奧沙身上, 而隊中最快速最有力打反擊既nani同華倫西亞已經正選,
後備中最有控球能力既貝碧同giggs亦已經換左出黎, 最後結果係nani果球反擊不成, 而貝碧同giggs根本控唔到球...

咁請教大家認為有更好方法既朋友, 有咩高見? 當日後備無出只有古斯錫, 史高斯同evans無用,
到底可以點叫唔"保守"? 放個19歲既牛奶咀macheda入黎, 會有咩分別? 佢hold波好過貝9, 快過nani, 定佢係messi可以一個扭7個?

amigofans

清醒啲啦天童仔!!
賭波响外國有幾多年歷史,銀碼有幾大都大到難以估計!
打造英超做全球最受歡迎聯賽由十多年前開始,好明顯以曼聯帶起頭來...班大佬要造一定係搵當時最易打造既黎造的了!幾年時間成功咗啦!!曼聯最多球 ...
HansChan 發表於 2010-4-9 09:24 PM

哦, 又係講收水打假, 我講過唔會同你地硬碰呢d問題, 打假呢樣野根本已經好似宗教咁,
同你地講科學根本無用, 因為就似神打風水一樣, 信則有不信則無...

講過n次, 原來d年薪億萬既球員, 財伐皇子買球會都係為左"落大注",
黎贏我地呢班一千幾百既雞仔注, 咁希望大家集腋成裘, 買多d等個英超可以做落去啦....

amigofans

睇下呢篇野
http://soccer.sina.com.hk/cgi-bin/nw/show.cgi/6/2/1/1933715/1.html
Winters 發表於 2010-4-9 09:36 PM

曼聯賣左個主力c7比皇馬, 再一個tevez過檔曼城, 正宗讓雙車, 一d影響都無可以照入4強?

利物浦一樣賣左個沙比艾朗素, 艾比路亞比皇馬, 未計t9同g4傷足半季...

阿仙奴輸比巴塞, 車仔輸比國米, 大家咁早咁大, 對手實力甚至有過之無不及, 好唔合理?

仲有睇下英超今季競爭可算係10年黎最激烈一次, big4自身賽力都弱左, 仲賣左d神兵比對手, 唔通仲可以似上2年咁4隊入3隊?

即係當年意甲d星去晒西甲英超, 4強唔見佢地, 我唔明有咩唔正路...

amigofans

個陣剩返十幾分鐘,一定要入一球,換個又慢又懶得個控球能力叫做好啲嘅貝碧托7出黎做乜?
馬捷達後生有氣有力,你覺得係咁嘅情況下出貝碧會好過佢? ...
Winters 發表於 2010-4-9 11:37 PM

一對隊中最快速既兩翼, 缺乏左右閘支援下, 未見可突破拜仁既左右二閘幾多次,

全曼聯控球力最強既貝碧同giggs, 都未見有幾次可以控到波轉身或者passing,

當唔出b9, 一個macheda, 就憑後生有氣有力就夠? 就算費查, giggs控到落黎, 2對1, macheda可有表現過和確特式高速入攝過你睇?
再唔係兩翼成功突破到, 佢又可有顯示過有高空優勢? 除左禁區既射門觸角, 佢有表現過超人腳法? 對方2個後衛對你1個, 你波都未控到落黎點入波?

定打兩個fw, 抽起唯一掃蕩既f24? 抑或收起一個中堅自殺? 定係抽起華倫或nani一件, 改用無速度既macheda做反擊?

保守同冒險, 原來就係落b9定落macheda既分別? 講真, 我真係睇唔出需要輸送既macheda, 可以起到咩作用....

我諗大家完全忽視左拜仁既控球能力, 歐聯既經驗, 同當晚既形勢之利, 加上曼聯成季最強都係有rooney既451,
無佢在場且打少個人, 真係咁有計可以唔洗比人壓住打?