amigofans

首先我唔同意明報果篇野某d論點, 第二我認為雲加唔值得被炒, 而佢更加唔會被炒....

可能有好多朋友分唔清球會老細同球迷既分別, 好似曼聯, 利物浦同好多大會都一樣,
其實收入有時比成績更重要, 簡單睇利物浦, 大家就會明白, 18年未嘗一次冠軍,
但球會收入不俗, 年年有歐聯玩, 老細們袋袋平安, 仲有咩投訴?

講番阿仙奴, 直頭係搵大錢, 球員平買貴賣, 又夠錢集資起到大球場,
年年都有前列, 間中仲有冠軍, 有咩投訴?

四五季贏唔到英超, 又無贏咩杯賽, 球迷就會投訴,
但d老細搵錢一日多過一日, 炒左隻會生金蛋既金雞? 有無人咁笨?


再講番明報篇野, 我唔同意要標籤"地波入滲"做"華麗足球"...
上屆歐聯四強既巴塞同曼聯, 都係地波短傳, 但絕對唔係華而不實,
而且一支冠軍球隊, 要有不同戰術係手,
兩回合都龜縮做狗熊既曼聯, 雖然係打地波, 但果兩場可有"華麗"之感?

阿仙奴敗在唔係咩"華而不實"好睇唔好食, 而係佢地打法單調, 戰術唔夠多....
單係死球戰術, 唔講好似侯城或者史篤城果d度身訂做既花招,
就連曼聯對利記, tevez既神來之筆都欠奉....

amigofans

原帖由 qetuoadgjl 於 2008-11-26 04:24 PM 發表
車仔現在成績好其實我覺得係前領隊摩連奴o既功勞。
如果雲加被炒而接手o既領隊又打到好成績.....
就會同現在大飛接手車仔一樣，前人插秧後人收割。 ...

哈哈, 呢d係傳統港式摩連奴fans思維....

話上年樣衰佬格連唔得民心, 你話入到歐冠決賽, 最後3亞收legue,
叫前人插秧後人收割仲可以勉強接受...

連大飛今季打到咁好既成績, 都係摩連奴插既秧???
香港球迷們真係中"摩"毒太深也...

今季打左咁耐, 無當年摩軍既主力如, 洛賓, 杜夫, 艾辛, 馬基利尼同杜奧巴等,
連j.cole都出得少過人, 打法基本上改變不少, 至少變左做進攻形...

搶鏡如迪高, 保辛華, 安力卡等等都係大飛或者格連買入既...
關摩連奴屁事??

如果我講, 其實摩連奴有好成績, 係收割當年維埃利插既秧, 你會點睇?