amigofans

球証誤判得益一方既艾比度, 係落後一球下被逐, 呢點已經完全否定"黑哨"一說

唔怕得罪講, 大多球迷認為有"假波"同"黑哨"成日會出現,
係因為本身對"足球運動"同"博彩事業"知識貧乏所致...

踢足球唔係安坐家中, 按下手制球員就會加速既電視遊戲,
體能, 戰術, 士氣同教練既調動都可以影響最後戰果,
想有更多了解既朋友, 最好係多d參與下實際既足球比賽....

有規模既博彩事業, 係眾多博彩專家同精算師協助下, 已經變成坐係度等收錢既生意,
大費周章去"製造戰果", 目的竟然係你與我如此普羅的一個幾毫,
更要身家多我地何只千倍既球員同流合污, 投資數十億既老細們隻眼開隻眼閉,
根本就荒謬絕倫....

上面有位朋友講得好, 而家車仔輸左, 大家當然集中講果四球所謂12碼上,
但如果換正輸家係巴塞, 艾比度之紅又會成為焦點..

小弟認為車仔係不幸, 遇上一個不知所謂既球証, 但果所謂5球問題球,
都唔係球球波個個球証都會比, 尤其當晚位球証明顯對杜奧巴有偏見...

最後一句送比認為係"黑哨"既朋友們:

無收到人錢, 都可以吹錯既o者!

amigofans

原帖由 Shaqleung 於 2009-5-7 09:59 PM 發表
各位車仔迷,容許我咁講:

一個好難接受既賽果,但係都應該佩服巴塞到最後都仍然好有耐性咁樣組織....呢個入球或多或少佢地deserve.

除左etoo最後果個有d懷疑,其他都應該係penalty.但係唔好話係黑哨. abidal既紅牌其 ...

我就認為既塞"偶然性"多過"耐性", 正所謂好運好過好波, 車仔兩年歐聯都欠大運也....

小弟比較偏激, 認為杜奧巴兜口兜面鬧佢做得好,

國際足協成日強調要尊重球證, 但佢地成日錯, 仲叫人點尊重?
須知教練輸波會被炒, 球員輸波會比雪比賣走, 老細輸波會蝕錢, 球迷輸波有人會自殺.....
球証大人吹錯, 最多SAY句SORRY, 停果一場半場息事寧人, 成本甚低呀!!

amigofans

原帖由 屠膠含三世 於 2009-5-9 01:37 AM 發表
先旨聲明, 我都認為個球證係屎, 但唔似收左錢...

但亦想反駁...
乜有錢就唔會貪錢??? 咁why李嘉誠賣油魚, 百佳假拆扣??
仲有莊家做波有利誘, 亦有威迫, 甚至政治因素, 咩都有可能

上面有網友話球證亦有比紅牌巴塞 ...

呢個問題, 就好似上次我問巴打們, 車仔贏4球輸3球之作用何在一樣,
認有假波好普遍既巴打們, 總有佢一套自圓其說既解釋,

如上次我得到既答案, 係因為4比3, 波膽彩池就會通殺,
亦似今次既答案, 因為有走地盤, 球証會收到暗號做野云云...

假設我之前POST所講既唔成立, 莊家係可以控制一切, 我既疑問係,
如車仔對保頓, 點解唔做到車仔輸4比3? 咁就連投注車仔既一切過關彩池亦會食晒...

又如車仔歐聯當晚, 走地盤做馬係成立, 點解車仔入波後, 走地盤賠率會大幅下調?
反正佢地知道戰果一定係和, 點解班莊家唔比一個吸引D既賠率, 去引我地呢班羊古?

又如果真係咁神通廣大, 點解要攪到90分鐘先追番咁險, 點解唔早一D比巴塞追番,
再立即打多次手號叫黑哨吹多個12碼, 咁就連買和波既走地盤都食埋, 和味和味!!

其實賠率會升會趺, 彩池五花八門, 就如走地盤呢種玩意, 根本唔洗做馬, 你同我既錢早已係佢地既囊中物,
就如香港馬會, 抽1成已經夠佢地發達, 就如澳門各間娛樂公司, 根本唔洗係出老千既道理一樣....

我仲未講到做波最難度既保密問題, 如果一場假波真係會牽涉咁多人, 人家早知道戰果, 投下重注又如何?
香港一個賭仔一萬月薪都可以買幾萬一場波, 平均10萬磅週薪既球員同佢地有錢朋友家屬們, 將會投注幾多千萬?
到時莊家會唔會係輸家?

係咁多次同各朋友討論後, 漸漸我覺得講打假呢樣野, 就似上面HANS所講一樣, 信則有不信則無...
就如宗教問題一樣, 人家信有上帝, 想用科學既角度同教徒辯論, 根本係浪費口水....