shaqkobe

如果磨合得好，有機會打贏馬剌。

shaqkobe

正選五人:Jason Williams   Dwyane Wade     James Posey     Udonis Haslem       Shaquille O'Neal
後備五人:Gary Payton    Shandon Anderson      Antoine Walker    Michael Doleac      Alonzo Mourning

仲有500萬中產合約一份。

shaqkobe

Originally posted by Lap Hui at 2005-9-24 13:54:
使唔使咁早講啊, 可能馬刺, 活塞等都會增兵呢??

應該無啦。兩隊都到左球隊球員同薪金上限，無可能再有新成員，除非係唔要本來球員啦。
不過太早講就真，熱火陣容強就真係好強，不過要睇佢地融合如何，先至可以估計成績如何。依家實在有太多不穩定因素。

[ Last edited by shaqkobe on 2005-9-24 at 03:44 PM ]

shaqkobe

Originally posted by YUEN_LOUIS at 2005-9-24 15:10:
我驚佢物極必反~好似湖人4天王咁(雖然得kobe一個時仲不濟)

論陣容我覺得熱火比果時果時F4湖人有過之而無不及。睇返果時既陣容，由於kobe同shaq已經用左球隊大部份資金，就算payton490萬+malone110萬已經超值，不過其他替補琳員就真係好弱。最強都係fisher。所以係長久賽季裡面就殘晒。
至於依家熱火既後備力量就充足好多，而且打東岸，對手實力較弱，常規賽打少好多場硬仗，主力球員應可有更充足休息，shaq受到上季季尾受傷既教訓，對留力應更有決心，唔會為面子而搏老命。payton打後備，体力上唔會好似果時F4咁，頂唔住。
球隊球員合作融洽，唔會有果時shaq vs kobe既程況出現。

shaqkobe

其實論用錢上，熱火都仲有唔少空間。至少仲有份中產合約500萬，同埋一份170萬既條約，季中見唔對路都仲有錢用。

至於shaq問題係係度，不過唔好唔記得佢依家過左東岸，有超過一半既比賽唔駛佢上場，熱火都一樣可以贏波。就好似上年咁，佢好多場都打得輕輕鬆鬆。最終佢傷左只是佢為面子，到季尾都死要打，想話俾全世界知自己過到熱火，熱火既戰積幾咁好。不過就換黎季後賽未能上場。我林佢今年一定會得到考訓。仲有籃板能力強係呢個時代一向唔係中鋒既工作，大多由中鋒頂位，大前鋒去搶，haslem就係咁羅到成10個籃板。

獲加同jason又何算是老將？披頓和莫寧亦只是後備，佢地既体能應可應付今場十數分鐘的比賽。

wade比kobe更獨食？如何見得？只從助攻數字作判斷？？？加上依家仲有jason同payton兩個一級控衛，節奏控製上可以落係佢地身上。wade可以更專注於進攻。至於wade既進攻門路係少，唔係砌入就係中距離，不過佢仲有大大既進步空間吧。

haslem比不上馬龍，只是有進攻上較弱一點。對抗性不比年老馬龍差太遠，而且夠拼搏夠後生，正好彌補shaq因年老的活力不足。有專家指出halsem係咁多位shaq內線幫手中，最好的一個。籃板能力更高於當時年老既馬龍。加上仲有A.walker既進攻能力，二人絕對比malone更佳。

而且仲有posey有活力有才華，正好彌補湖人或上年熱火正正缺少的SF位置上既空動。

潛在不穩定因素確有不少，如明星球員太多。不過就比當時湖人明朗。至少shaq同wade感情較好，shaq一早擺定wade做老大，有晒落台階！payton當年在F4就成日話無機會，不過事實上佢上年140萬簽celtics已經乜都放低晒，上年幾靜，只顧做好自己。佢依家講明今年可能係最後一季，睇黎佢可以放底個人得失，只為球隊利益為先，講明不介意做後備全力輔助jason。至於jason以前就話鐘意個人表演，不過經過調教之後，佢依家已經係一個穩重既球員，爭波打機會唔大。最大問題都係walker，出左命濫射。球員中最不穩定既就係佢。雲根迪又係一個問題，資歷低，不過有鐵腕萊利係後面頂住。

講左咁多野唔係話熱火羅總冠軍好大機會。不過我只係從陣容上看其實力，比當年F4有過之而無不及，亦不會比活塞、馬刺差太遠。

坦白講呢一刻要話熱火好勁羅梗冠軍，好唔公平。不過林深一層係呢個程況你話熱火好多問題一定唔掂、難以比得上活塞、馬刺都一樣唔公平者。始終一切都要睇佢地實際既磨合表現，我只係想講一句，如果佢地整合得黎，實力會係聯盟數一數二的強隊，如果佢地成功絕對有力染指冠軍。

[ Last edited by shaqkobe on 2005-9-24 at 09:07 PM ]

shaqkobe

Originally posted by YUEN_LOUIS at 2005-9-24 21:19:
我不是太識nba請球員的標準,可否講解下

唔明你既意思。

shaqkobe

Originally posted by YUEN_LOUIS at 2005-9-24 21:22:

即係d咩人工~又中產~又低價~
(之前講漏左^^,係d人工果d限制)

簡單黎講，就係nba set左個球隊請球員既薪金上限，如5000萬就球隊用係球員每年既薪金唔可以高過5000萬。呢個就係薪金上限既意思。
至於低價合約只在於對老將有限制，最低係110萬。即你要請一個老將就一定要高過110萬先至得。其他球員不在此限。
至於中產條約是指490萬的條約，無話其他乜野特別。

[ Last edited by shaqkobe on 2005-9-24 at 09:37 PM ]

shaqkobe

Originally posted by YUEN_LOUIS at 2005-9-24 21:41:

即係人工總數唔可以貴過5000萬(美元嗎?),
咁如果你10個球員夠啦~唔計老將(**題外,點為之老將?)
你可以比每個500萬~
或者有d高d有d平d咁?

1)依家既薪金上限我唔太清楚，太約在5000萬美金左右。所以若以此為上限就唔可以高過5000萬。
2)至於10以上年資的一概介定為老將
3)當然係有高有低啦。不計老將球員，任何新秀球員薪金不能低於30萬美金。

[ Last edited by shaqkobe on 2005-9-28 at 01:40 AM ]

shaqkobe

Originally posted by Dicksonheng at 2005-9-24 22:15:
1. NBA 有薪金上限  唔係好似足球咁 ...

坦白講，我地要再討論落下，真係可以講到好遠好遠。加上我地各有所好的球隊，難以得到共識。

不過500萬並唔係一個低價，因為就算熱火要搵都係需要搵d輔助性質既球員填補漏洞。

當然HASLEM身高上可能對其他球員有差距，不過當年馬龍又何嘗不是。相反HASLEM有更高的身体素質同力量，不過經驗MALONE又真係好d。我都坦白承認WALKER真係一個很大的隱憂。但係佢真係有才華，係一個多面手，或者可以擺佢去打sf既。

夏士林攻擊力唔強，只係背向進攻不強罷了。上季搭住SHAQ，有好攻擊就係SHAQ被夾擊分俾佢入樽或者係佢穩定既中距離。有唔少場係因為wade、shaq被守死，而由haslem成為陣中得分最高球員。

雲根迪會係一個問題，睇乎佢同球員既關係。不過我林大部份球員都知HEAT係WADE同SHAQ既球隊，只要SHAQ同WADE支持雲根迪，無其他球員敢頂撞。更何況雲根迪唔掂，都可以改由鐵腕萊利出返黎教囉。

防守上上年既D.JONES又何嘗不是防守力弱，jason在防守上會佳於前者。payton話到明甘願作後備，佢肯減到110萬就睇得出佢已經放低晒專嚴為一隻介指吧。posey又係一個防守力強既球員。

wade比parker不同之處在於有強大既跳踴同騰空能力，中距離投射都比後者強，進攻更難被防守。至於傳球技巧、閱賽能力在上季已有顯注的進步了。三分就真係要下好多好多既苦功。不過佐敦D三分都唔係強，佢曾經都講過中距離先至係王道。不過當然有多樣攻擊，百利而無一害啦。

Jason依家比係kings成熟、穩重得多，我覺得佢既作用同能力反之而比kings時代更好。睇一個好控衛唔係只看佢既助攻或者得分數值，無疑果時既得分能力係較高。不過失誤係幾咁多，一場波平均有成3個，相比返兩年既1.8個，依家真係穩定好多。命中率都進步左好多，同以前既個人表演心態大有不同。依家既jason更適合由wade、shaq做重心既熱火。

整合會係一個大問題，我一路都無否定過，所以我都講話，熱火要羅冠軍最重要係睇佢地既磨合程度，如果磨合得好，有力染指冠軍，呢個一向係我既立場。

F4入到決賽有很大幸運程度？我唔係好覺。我反而覺得佢地當時真係好搏好搏命，入到決賽係佢地實力同併搏得黎既成果。至於命喪活塞是被格食格同埋過度發力後繼無力罷了。何況回想歷史，不知多少有多少總冠軍的得到都有著命運的幫助吧！哈哈~

shaqkobe

Originally posted by soccerking at 2005-9-24 22:57:
熱火總冠軍一定無走雞

乜你咁武斷架！不過個題目就係咁………

[ Last edited by shaqkobe on 2005-9-24 at 11:05 PM ]