shaqkobe

雖然我係熱火fans不過坦白講。。依家熱火既陣容真係仲有唔少漏動。個人覺得最大問題都係在於三分射手度，熱火陣中少梗個穩定且多產既三分射手。第二依家熱火都係仲未搵到一套最適合既戰術，一切仍在摸索當中，磨合情況都真係未如理想。好大原因係奧尼爾呢個最大既磨石劑季初長期缺陣，一方面令球隊季初戰積平平，少了一份氣勢。另一方面，少了奧尼爾令陣中的黏合作用久未產生，依家睇熱火打波都仲係見到佢地默契不足。
論陣容的完整度，熱火比當年的F4更完整，正選陣容大可打成均勢，替補陣容更見高上一層。不過事實上熱火陣容睇就真係好睇，不過事實上就未見大成效。Wade同Shaq既定位當然無問題。Payton、同ZO做既都只係佢地能力內既工作，大可做得妥妥當當。問題正出現左一班中生代球員Walker、William、Posey上。。。Walker既表現大家有目共睹，內線打得唔好，外圍又唔掂。事實上熱火依家無一套打法係發揮到佢既作用。。。至於Posey理應就好岩佢打，射下open look三分、做下防守就岩佢一向打法，問題係佢自己既信心就久久都未返黎，佢上年一樣打落患得患失咁。如果佢有返灰熊前期既水準，就無問題。。William其實已經見到佢開始融入球隊，比現愈見理想，不過就偏向左係得分貢獻上，應加強在助攻上的意識，才可幫助串起球隊。總括而言，我覺目前熱火發揮出既實力上不見得比F4湖人強，不過我覺得潛力上就仲有進步既空間。要睇下下半季佢地既發展。

[ Last edited by shaqkobe on 2005-12-26 at 05:58 AM ]

shaqkobe

今年熱火真係幾難話爭冠軍。。暫時睇都無乜冠軍相，還是觀望下季，或許當默契出現、隊中問題得到解決，才能再挑戰冠軍。。。東岸應該會係活塞一支獨秀。至於西岸就不出馬刺、小馬、太陽之爭。

shaqkobe

Originally posted by 甘國武 at 2005-12-26 14:34:
太陽？！

依家太陽攻力不減當年，防守就更勝以往。後備又深左上個賽季。只要三月史杜達復出情況良好，我覺得佢地有能力爭冠。

shaqkobe

Originally posted by 甘國武 at 2005-12-26 14:43:

某程度上，我覺得太陽上季，唔多唔...

唔一定會撞上馬刺。。。nba就係咁特別，球隊正如你所講有格食格問題。不過季後賽既對陣好大可能影響到冠軍誰屬。。。

舉個例說明。。。
如果今左年季後賽小馬先對陣馬刺，如果小馬將馬刺拉一馬，那麼太陽隨後對小馬以目前陣容都可能有得搏。
但係如果太陽一開始就對住馬刺，就好有可能被馬刺KO。。不過太陽隊既打法同之前其實改變左。馬刺內線實力又減弱左，都未必會KO既。哈哈

情況同當年F4湖人咁。。如果當時東岸出到線既係溜馬而唔係活塞，咁湖人就好大機會奪冠。
又或者係當年熱火既超強陣容對住所有球隊都可以贏得到，不過就成日係季後賽對住宿敵力搏。力搏又特別怪，對住熱火既戰力比平時高出很多，令熱火每每未能過關晉級。

shaqkobe

Originally posted by 甘國武 at 2005-12-26 15:05:

馬刺內線實力又減弱左......何以見得？

如果出到線既係溜馬，咁湖人就好大機會奪冠......
可能la，但湖人當時根本唔似冠軍，加上KM傷出其實好大影響
.....老實講，我唔覺得Fxxx4比之前既湖人強

首先講講F4先啦。我都唔覺得佢地比三冠時代既湖人強，應該話我覺得佢地差過三冠時代既湖人。。。

至於馬刺內線弱左，係因為馬刺今年既內線其實某程度上只打Duncan一個，Nesterovic今年繼續出任正選，但成績不比上一年好，呢兩年狀態都幾低迷。。至於上年新加盟時籃板、防守表現不錯的Mohammed今年又係跌左watt仲有傷患在身。好多時完全只靠Duncan一人當關。不過Duncan既傷都有隱憂。仲有個被人期待既Oberto，明顯仲未達NBA水平，即戰力差，有待磨練。

[ Last edited by shaqkobe on 2005-12-26 at 03:19 PM ]

shaqkobe

Originally posted by 甘國武 at 2005-12-26 15:54:
講Fxxx4，我覺得佢地仲差過02~03既湖人......

Nesterovic？不提也吧，重點是Mohammed......
希望佢快d好番la

警告本板不得粗言。。。。你應該知規距啦。。。

我覺得佢地果兩年都係海軍鬥水兵。。差唔得遠。。

shaqkobe

Originally posted by 甘國武 at 2005-12-26 16:06:

我無寫粗言ar！
e d玩意會姐，講笑式，唔好咁緊張la~

好多板友都係咁樣。。唔係真係責罵形式。。如果責罵形式一早已經減左分。。不過講笑形式我地都要碴緊去做。。請你注意。本板有本板規則。

shaqkobe

Originally posted by Dicksonheng at 2005-12-26 21:29:


1.Mohammed跌watt係指得分?!
天哪! 就算我係馬刺fans, 都講句:
無都也把!
因今年重用第六人大熱既荷利

2.就算無傷, 佢進攻都只不過係幫ginobili同parker單擋
況且parker"十倍加薪"後今年突然發圍 (發錢瘟?!)
做埋馬刺得分王 Mohammed的犧牲都好少事者
防守都做到補位效果, 但佢保護下的duncan今年就真係退步左d...

3.Mohammed:
每場13分鐘  5分 3.7籃板 0.42封波 都算吧..
即每39分鐘  15分 11.1籃板 1.26封波  (都唔算太差者)
(遲d開個馬刺topic先講spurs啦,
況且spurs上次己經選為全nba最受歡迎球隊
無理由唔開專區者~)

第一我覺得Mohammed差左既係籃板同封波，而唔係得分。事實上大家都知根本上唔駛佢去羅分。不過比上季少左3個籃板同1個封波。。下跌都幾多，好大程度係佢傷患同球隊地位既影響。馬刺都需要一個中鋒去加強與Duncan既合作。。。唔係對住活塞都幾頭痛。

荷利係第六人大熱？？是芬利吧？？

至於紅色部份，你咁計都講得通既話，真係無野好講。。。

shaqkobe

Originally posted by 甘國武 at 2005-12-26 21:39:

TD退步？！
上年20.3分11.1籃板2.7...

TD我都覺得無退步。以佢依家帶住傷去打，表現已經無可再強求。
而至於TD今年多左幫手反而要出場耐左，得分、籃板、封波、助攻都增加左，好大原因就係因為馬刺既苦力中鋒能力減弱左，要Duncan兼顧更多。

shaqkobe

Originally posted by Dicksonheng at 2005-12-26 21:41:


錯 , 今日對活塞兩個都得個3分
射 6,7球先入1球
因此兩個都無  最佳第六人既表現
我指大熱係唔係指攞奬,係出場時間者!

o奧~原來係時間。。咁就唔好話大熱啦=,="不過事實上Horry既出場時間係度減少當中。