28083003

聽完雲格li場波嘅賽後訪問,佢嘅意見更肯定左我對阿仙奴嘅問題嘅睇法
阿仙奴中前場個個都驚傷踢唔倒世盃,亨利,基拔圖,皮利斯,雷耶斯個個見人鏟就即避
希比,龍格堡本來就好硬漢feel,唔怕你鏟,不過佢地啱啱傷完,都唔敢去到咁盡
睇過西布朗,保頓,同紐卡素你就會明我講乜,班友真係腳腳到肉
阿仙奴對紐卡素D move真係有流暢(有希比係唔同D),好到位,但係臨入肉就硬比人鏟
阿仙奴就係以比較斯文嘅爛仔中場踢法而令佢同其它一線波有得打
但係一對保頓li類真爛仔踢法球隊對陣,唔夠爛之下就唔夠打
除非中場有個超有腳法嘅,又或者用個超級爛仔,如果唔係的話我比你買多10個希比都無用
我覺得雲格應該對唔同隊就出唔同陣,家下調黎調去都淨係調過後衛
中場係左中出有換過唔同人,基本上對乜隊都係打果個陣
你對爛仔隊應該出基拔圖加法明尼,少用中路進攻,多用放長波
你要明自保頓打5中場,要o係中間找空位基本上係無可能,前場用艾比耶更佳
盡量比空位佢跑,佢有個人突破能力
以前阿仙奴對乜隊都係用突擊贏
而家相對少左打突擊,多用陣地戰,但礙於法比傳波差,基拔圖又一般
所以li對中場係唔太啱踢陣地戰
又或者中場出雷耶斯,希比,法比,基拔圖,龍格堡,前鋒打亨利一個

可能我li套踢法踢得仲衰都未定
個總之就一定要改
而家li個form已經肯定對親爛仔隊都贏/和唔倒
唔改可能輸比熱刺,甚至保頓都唔定
下季無得踢歐冠就大鑊