Ronno

入到去影,真有錢
電視見到有d超索,唔知有無影到呢?
角都 發表於 2009-11-23 01:20 PM

想做「龍友」？盛惠 2,000！
終於知道點解有咁多龍友逼爆維修站啦，原來係賽會發錢寒！呢班以影女為樂、同記者爭位兼阻住車隊運作嘅「龍友」，同其他買飛入場嘅車迷唔同，係因為佢哋多咗張嘉賓證（ Guest）。
問過先知，原來只要車隊負責畀錢，就可以用$2,000買一張嘉賓證，數量無限。由於正常門票單一賽日（周六、日）每張都要500幾蚊，計埋周四、五嘅練習票夾夾埋埋都要千幾蚊，家 2千銀玩足 4日，仲可以踩落修維站影餐飽，梗係物超所值啦。問過有車隊用16,000蚊買咗 8張，賽會亦冇話唔准。一屆賽事閒閒哋有百零二百支車隊參賽，以每隊8張計，個維修站隨時有過千名「龍友」塞住晒，搞到好似行花巿咁。
人人可玩逼爆維修站                                                                                                                                                                                                                           
「龍友」入面，除咗有拎嘉賓證嘅，亦有唔少攞住工人（ Worker）或者賽會人員（Official）證件，最奇係一樣唔使做嘢，只係好落力咁搵車模影相或合照。由於維修站係車隊人員準備戰車出賽嘅地方，試過WTCC嘅雪弗蘭車隊嘅工作人員，推輪胎出賽道時，要用暴力推開班「龍友」先可以行得到。人哋話晒鬥緊世界級房車賽，俾你班「龍友」阻頭阻勢，如果佢哋揸正嚟做，走去同國際汽車聯會（ FIA）投訴，搞到 WTCC撤出澳門，到時真係冇人可憐。