HansChan

我同我以前條女識咗十年......一齊咗七年.......
我哋三月尾分手...係我提出既......
我哋二月一齊買咗樓......就响入伙之前......我同佢分手.....分手時我唔毒嗰句都唔講......因怕佢唔捨得......
佢係會計師黎....我只係一名sales...雖然而家都撈得唔錯,但我嗰啲職業冇保證...可以一下子乜都冇晒(而我foresee到我年尾前可能會失業).......之前我自己都掙扎咗好耐...但我知我再唔斬籃我會類佢一世...我哩啲冇前途既...我唔想佢有一日要養返我轉頭...佢係好好條件嗰啲......大把有錢佬媾佢......我係真心想佢嫁得好啲.....而家每晚我都瞓唔著......好辛苦

HansChan

又過咗一個星期......依然係瞓唔著!

HansChan

多謝幾位朋友既回應.......
只是.....
四年前...我哋層經分手個兩個月......因為佢識咗一個會計師.....當時..我係點做都冇用...兩個月後.....因為佢哋自己既問題分咗手....佢返黎.....我係有猶豫過的.....最後都係接受返佢...之後我探討過嗰次事件.....我係明白..人係對生活有要求的....我一啲都冇怪到佢....因我知生活追求係人人都會有的..而且佢追求既並不過份...只是一時諗錯咗罷了.....
四年黎...我好辛苦做嘢...兩個人既生活係ok的...
只是有啲嘢係唔到我同佢控制到...
佢係好想短期內結婚有孩子...但我既經濟係未係時候的...我有同佢講過...但佢係思想未成熟既人..執事唔會諗個問題同後果...
而佢屋企,佢阿媽係話晒事的..但有時乜都要出手乜都要管.....連我既事都管到比我屋企人更嚴重(佢係有隻自己話晒事既性格).....3月時三番四次要我哋年尾結婚...而往往去睇到哩啲事係好簡單既事甘....(因佢兩個仔都好本事....佢亦認為我同佢個女既生活係可以同佢兩仔雙提並論)......
所以...佢對生活所抱既要求同佢阿媽對我哋既要求.....基本上我係一啲信心都冇的...而我係感到被甘迫法好辛苦.....我唔想到我唔掂既時候(即係而家...我估我還有兩個月要辭職的了...)...俾到佢或佢屋企難受既感覺....雖然話兩個人應冇分彼此....但........我失業或揾得少咗...短期內唔會見到有任何問題...長少少時間...問題會出現的了...我唔想有一日佢或佢屋企會怨我.....
講真...人對現實多多少少都有一定要求的(我自己都係啦)......佢又靚女,條件又好,大把俾到好生活佢既人,大把愛佢既人, 大把俾我好百倍千倍既人响度.....我做乜要再浪費佢時間落去呢......我俾唔到好生活佢...係我冇用...到時兩個人都唔開心......
我好狠甘放底佢......佢會為失戀而唔開心(分手頭兩個月...佢多次打黎喊到失聲...)......到佢平靜後...會慢慢起返身(即係而家...近一個月...佢冇揾過我..除咗message我叫我搞返層樓既轉名)...到遲啲佢遇到一個愛佢又有前途俾到好生活佢既人.....佢會開心...佢打後都會過得好好......哩啲先係佢應該得到既...
分手佢傷心...係因為佢一下子放唔底...到醒覺後...佢揾得返佢既將來..得到佢應得既嘢...跟住我...乜都冇...我接受唔到甘...
我???根本已賺了七年.....冇求了......求既就係佢之後一定要開開心心吧......
我唔開心..瞓唔著...因為我層經令佢痛苦嘛.......我係應該硬食的.......

[ Last edited by HansChan on 2006-7-22 at 01:15 PM ]

HansChan

Originally posted by 極樂 at 2006-7-22 11:34 PM:



兩個人起埋一齊既喜怒衰樂無人可以理解.....
雖然我覺得好可惜....
但係概然改變唔到既事實....就唯有接受...

祝你早日搵到幸福快樂 !!!

自己都未搞得掂.......唔諗了...
只是經常諗起佢當時有幾慘.......仲要係我令佢甘慘的......
一諗到哩度...我根本冇可能好似平時甘正常諗嘢同做嘢...
希望佢開開心心,冇憂冇慮...唔再記得我.....也不要緊吧......

HansChan

沉晚同班同事出咗去食飯.......五條友開咗九枝紅酒.......我貓咗.......
今朝起身........發現部電話爛咗......畫面冇晒嗰隻......
電話裏面有上年我同佢去旅行時用手機拍底既一啲片段....有佢send俾我既sms(尤其係分手後...佢痛絕既message......),佢拎我部電話黎玩,自己拍下既照片........
所有嘢都冇晒了........
可能個天都要我將所有嘢..告一段落...............

HansChan

Originally posted by Shing at 2006-8-2 11:33 AM:



你要振作呀!!!!!!!!

四個月前......朋友你叫過我振作......
不經不覺......我已再失眠四個月了.......
哩段時間.....我試過一個人去咗兩個星期巴黎.......
但都冇好過啲.....仲响巴黎發咗兩日燒一百零三度......
上星期聽到一位朋友响機場撞到佢.....佢話俾我朋友聽.....公司派佢去總公司公幹三個月.....
目的地係.......巴黎......................................
我朋友話佢趕住入閘, 所以冇傾多兩句.......
我問我朋友佢睇落點......
我朋友話佢.....消瘦了.......亦冇以前個樣甘開心.........
唉........我真係唔想再諗起........頭痛了......

[ Last edited by HansChan on 2006-11-23 at 11:08 PM ]

HansChan

Originally posted by kuru at 2007-1-17 11:00 PM:
愛情呢家野,有幾多人唔係開心入去,傷心咁出番黎,
如果自己經濟都未攪掂真係唔好開始會好d~

我認同你甘講......
但說易行難......
哩啲嘢唔同其他事.....往往自己會後悔.......或無奈........
我係無奈多於後悔......但即使會諗.....事情終會不如人意........
唉......我每一日都好想像唔到打後既日子自己會點.......

HansChan

Originally posted by buengland at 2007-1-18 09:28 AM:


HansChan 兄,

睇完你個故事, ...

我冇咗嘢做都成兩個月了.....
哩排都係做part-time, 揾工同埋砌lego.........
心情都係未平服.......

HansChan

Originally posted by trista_cheong at 2007-1-18 09:39 PM:



我睇完你個故事﹐喊到成隻豬咁:...

我一路最揮之不去既......就係我同佢講分手嗰晚.....
嗰日我放工去新屋打點一下(我入伙前第二日)...佢同佢阿媽己經响度......
我一入去....佢阿媽就走......(因嗰排我同佢之間氣氛都比較緊張.....我估佢同佢阿媽都7感覺得到.....)...佢响廳, 我响房.....三個鐘我一句嘢都冇同佢講過.....(因我好想狠下心但狠唔到,又唔想俾假希望佢.....)九點幾.....我想叫佢去食飯......初初見唔到佢....跟住我發現佢坐响個大紙盒(個紙盒大半個人甘高)後面喊緊.....嗰一刻我心好痛....我知我立心不定狠不下心係會越傷佢越深.....我作咗決定.....
我車佢返屋企....泊好車之後....我同佢行返佢屋企.....我就同佢講分手......
我記得我識佢十年.....從來都冇同佢講過一句又一句狠到冇得再狠既說話......
我哋响街爭辯咗好耐......我越講得狠.....個心痛到真係........佢喊...我心一軟, 但我又即刻同自己講"差少少就成功....堅持!!"...最後佢知點講都冇用...佢攬住我同我講"如果你第日覺得寂寞, 你想揾我...你記得要揾返我....唔好覺得對我唔住或乜嘢自私...你記得..知唔知呀.....我真係好唔捨得你呀.....".....我攬住佢我都喊.....但我冇答到佢....因我覺得我覺得我係罪人.....要衰就徹底衰埋最後一次...唔好再傷佢....我放底佢目的都係要佢將來開開心心啫...之後...佢上咗屋企....我楂車走...一路都喊住...連路都睇唔到.....
嗰晚我上咗新屋冇返屋企....一路諗一路喊...一路飲吓又一枝飲吓又一枝紅酒.......

上年三月到而家......差唔多一年......我一啲都冇好過......
就連兩個月前我賣咗我部車,交車時我都仲好記得....嗰晚.....兩個人上車.....我一個人走....之後佢都冇再坐過响我隔離.......
但願佢...有好既將來........
日日都諗佢嗰句說話...."如果你第日覺得寂寞, 你想揾我...你記得要揾返我....唔好覺得對我唔住或乜嘢自私...你記得..知唔知呀.....我真係好唔捨得你呀..."
每次都好心痛....每次都眼濕濕.......
所以.....佢一定開開心心......甘先至會有價值.......

[ Last edited by HansChan on 2007-1-19 at 12:03 AM ]

HansChan

Originally posted by 新經濟學巨人 at 2007-1-23 10:01 PM:


愛情故仔講：與你／妳結婚的人，他／她並非你的終身至愛．．．．

我有時會諗......為結婚而結婚....會點呢??
又或者......同一個唔係最愛既人結婚會同一個最愛既人結婚分別何在?
若要話同最愛的人結婚會最開心同對對方最好.......甘同一個唔係最愛既人結婚甘對方咪好慘?