HansChan

Originally posted by derek23 at 2007-2-27 05:53 PM:
試過了所以我而家學識要把握眼前人

哩吓嘢好要.......個個都應該銘記!
嗰件事後.....我日日都叫自己要過新生活......
但都係失敗.........
所以識日珍惜.......係緊要過所有嘢..................

HansChan

唔經唔覺.....我冇嘢做都成四個幾五個月.......一路都有揾.....一路都俾人reject.......話我掂但貴請唔起.....其實我都只係要求返我既年資既市價...只係啲公司短視.....寧願請啲平啲冇驗做唔到嘢既, 都唔肯用正常價請一個有經驗既人......悲!
哩段日子真係好難過.....我真係冇想過我而家會難過到甘......同佢分手仲有二十一日就夠一年.........一年前.......我就已經預算到我而家既生活會甘.....响我唔想佢為我苦同受佢屋企人既壓力底下...我好狠甘放低佢...我預咗會難過.....只係...今時今日,我一面自己為自己既處境難過, 一方面,我依然受住冇咗佢痛苦...我真係好辛苦...
瞓唔著...岩岩拎返05年同佢去日本時影既相出黎睇....之前睇過好幾次....而岩岩...我真係睇出一種新感受...佢嗰時..面上面冇憂冇慮...喜怒形於色...開心既樣似一個細路女攞到自己想要既嘢.....我楂機耐得滯佢不悅既樣似足一個扭緊計既細路女......以前我會惱佢經常為一啲小問題而將一幅不悅既樣放响面上...但我正話睇到既係我笑住落出黎既幾滴眼淚..
自己一個人苦好過佢陪我一齊苦...我依然覺得我一年前係做得岩...只係...我真係好掛住佢..
同時間...我亦好擔心打後日子...
好辛苦...晚晚唔飲酒都瞓唔到三句鐘...
罷了!
只是瞓唔著..我又唔慣突登打俾朋友傾哩啲嘢...
手痕打吓嘢啫...之前睇過我經歷既朋友同冇睇我既經歷既朋友打攪晒!
(版主可以delete咗佢的...打攪了!)

HansChan

Originally posted by iamstupid at 2007-4-6 10:11 PM:
教皇兄, 你個故事好感人......

但作為一個路人甲, 我只能說句: 你好蠢!

我都做過一0的"錯過一時"0既事... 不過人都未追到就無謂提........
我0的小故事都可以令自己後悔多月, 肯定教皇兄會後悔一世!!

不如你換個角度諗:
如果聽日係世界末日, 你有無咩要後悔?
如果今日仲來得切, 你會想做D咩?

我係路人甲.. 我係路人甲.. 我係路人甲.......
...

我覺得我冇後悔..我係好無奈......
同佢分開超過咗一年.....我同佢都四月頭生日(差三日)...記得上年我生日嗰晚佢send sms俾我話同我分開係好唔願,但都祝我生日快樂...一年後...我依然收到佢既sms"生日快樂"..三日後到我send sms俾佢同佢講"生日快樂"...之後再一次...冇聯絡!
其實係好事黎既.....我一直都放唔底..甚至想以後離開香港......但佢起得返身,我又真係為佢開心......
我記得同佢一齊既時候, 有一次响旺角家樂入面見到一對米奇bb結婚公仔...我買咗佢落黎...佢好鍾意...佢擺咗响屋企床頭用個膠袋入住佢..話第日我哋結婚用佢放响車頭..... 五個月前我行第二個商場, 見到一對PC狗公仔...最後一對..唔再出.....佢鍾意PC狗,因為佢大學畢業既時攸我送過一隻俾佢..佢話隻狗個頭大似我......我買咗佢落黎收埋佢, 希望有一日可以親手俾佢......
我身邊既朋友一個又一個結婚..做兄弟都已經好幾次......
我希望佢而已經有一個對佢好好既人,不久既將來結婚既時候, 我希望親手俾嗰對PC狗佢..親口祝福佢..親眼睇住佢好好甘嫁咗出去.......
但另一方面...我真係有甘既勇氣嗎???

[ Last edited by HansChan on 2007-4-16 at 09:18 PM ]