迷途小羔羊

記唔記得我呀兄弟
我都有睇過晒你既留言
傷心係正常
但請你唔好有復仇心
你恨佢甚麼？恨佢玩你？
你想殺死佢？太嚴重喇
可能你會話我地，針唔吉到肉唔知痛
但係你又記唔記得當日既感覺呀？
當日你肯為佢付出，因為你愛佢
你想俾最好既野佢
但，真正愛一個人其實並不求回報
佢就算唔用愛黎回報佢，其實都唔可以執著
若然你恨佢不給你回報，那其實你之前對佢既愛唔係真正既真
佢有無報應，....其實也不關你事架喇
你地已經完完全全分開晒，各自生活
佢有無做錯，自有公論
人在做天在看，你不用為自己覺得不公平
恨一個人好辛苦，用好多精力
將這些精力投放入下一段愛好嗎？
你既著眼點不應該再放起呢個女人度
佢生佢死佢結婚定生仔佢有報應無報應
一切都唔再關你既事…
就好似你已經起太子站落左車
因為頭先果班地鐵列車你搭得唔舒服，d乖客對你唔好
但你已經落左車，你等緊既係下一班列車
與其你去嬲上一班列車既乘客如何地衰
不如想想下一班黎緊既列車岩唔岩你搭，上唔上好
希望你放下憤怒既想法
放開握緊既拳頭…
你唔放開拳頭，又怎去牽下一個女孩的手？