《殭》收視差原因

自拍男

KayBB

今個星期《殭》終於去到結局篇，雖然又CG又遠赴荷蘭取景，但就由第一集比人插到而家，收視唔夠20點，有網民就開咗個Post調查「究竟點解 《殭》收視率咁差」，第一位出奇地唔係演員差，而係編劇問題，佔45.29%。故事支離破碎，搞到好複雜，個人認為個對中國彊屍嘅夾硬出現同行為，真係膠到無朋友，為拖長而拖長；而活著會突然間拖實夢南手，又無啦啦瞓埋同一張床？搞到養尊處優嘅KayBB要每日係FB解畫。
第二，絕對係演員問題。KayBB扮可愛，被網民話佢係「整容老師奶」；陳凱琳本身戲已經夠屎，仲要做埋呢個窮追猛打溝仔角色，佢都係啞嗰陣比較好；仲有鄭家穎，明明就係老餅一個，又係到扮型扮情聖，單單係個元華Look就知唔合情理地多女埋身啦。反而陳嘉寶同陳瀅都仲好戲，起碼對眼都開心啲吖。
第三，ViuTV嘅打擊亦是重要一環。人家高水準真人騷，有Gimmick有內容，絕唔係虛火。嗱，有畀心機定交行貨，觀眾絕對睇得出囉。
By the way，戴番個頭盔先，不喜勿插，因為邊鬧邊睇係香港觀眾特色，或許這就是大台嘅生存之道。
相片來源：網上截圖

自拍男

セ狗又亂up?? ViuTV平均得2點以下

d228216 發表於 2016-5-12 11:12 PM

高過亞視