attaboy

有。我。

女仔拍拖無非係想搵人陪，搵人解悶，搵人聽佢傾訴，搵人畀佢發脾氣＜－－－所有呢o的我都唔係好畀到。
再者，我諗而家已經無乜女仔可以令我再動心o架o勒，所以下半世我決定咗繼續做我o既自由人。畢竟做人唔係一定要拍拖結婚o即，人生重有好多更有義意o既野可以去追求。所有單身o既朋友，共勉之！

[ Last edited by attaboy on 2005-7-28 at 09:55 PM ]

attaboy

Originally posted by 遊戲 at 2005-7-29 01:43 PM:
我上來D度
都係想睇下一D人地拍拖,戀...

你講o既都好o岩......套落其他人身上o既話．

我最大o既問題係，我一個人自由自在o既時候，係遠比同人拍拖時牽腸掛肚開心得多，同埋我係絕對不能受任何野朿縛o既，但係一拍拖就無可避免要隨傳隨到，重要不時報到，呢樣我做唔到．但係女朋友係唔會理咁多，照樣會大興問罪．咁問題就更大o勒，因為我更加係唔可以睇人面色做人o既．

Anyway，我認同你所講，如果我可以搵到一個真係好鍾意o既女仔，我係可以犠牲以上所講o既，但係，今日我已曾經滄海，唔要面o的講句，真係乜女人都試過，所以係好難再遇到我心目中既Miss Righto架o勒．

你而家係咪追緊個好鍾意既女仔？追到未？駛唔駛幫手？

attaboy

Originally posted by 遊戲 at 2005-7-29 07:00 PM:
dg666兄,我絕對認同香港女仔要求係比...

祝你好運啦！！

P.S.不過提提你，追o的日日都要見面o既女仔時，切忌太張揚！女仔都係好怕人笑，好怕人講閒話o既．我人生最慘烈o既一仗就係追之前一個女同事，o係公司度偏心到出晒面，激到其他女仔同事唔睬我，而o個個女仔原本都同我好親密（但係重未拍拖），見到咁多女同事唔show我，亦開始疏遠我．因為佢係好怕被人孤立o既．後來，無奈地同個女仔距離遠番o的o勒，o的女同事又成日走o黎同我玩，而呢個女仔就又同我fren番噃．所以呢，女仔係好易受佢周更o的人影響o既，自己執生啦！