attaboy

Originally posted by BoniFace at 2005-7-16 11:14 AM:
我好似永遠都唔識追女仔咁,成日都好似怕衰,唔敢去,好多疑,驚呢樣驚個樣...
唉....
係...係拍過好多次拖,但係永遠都係女方主動or佢俾signal我....

菜瀾話齋去就50/50,唔去就零。唔去試就算活到50歲都唔會識。其實追女仔呢Ｄo野同學任何o野都一樣，工多藝熟。唔敢試只不過你怕失去，但係o係你真正遇到o個個絶對afford唔起失去o既女仔前你唔去試，到你個女神出現時你只會更手足無措，成功機會更低。朋友中搵個情塲高手教路吧，實戰經驗比誰都可靠。

attaboy

Originally posted by BoniFace at 2005-7-17 10:32 AM:

我怕輸...
心理上係怕輸,成日唔敢去...
驚去左番唔到轉頭,朋友都無得做

除非你真係明戀到走去問佢受唔受溝，否則好少女仔會連朋友都唔同你做。
其實大部份女仔都唔鍾意明示，佢o地揀BF就好似揀衫咁，鍾意有好多選擇，鍾意慢慢揀。如果你做得太明顯，即係要佢o係你同其他choice裡面馬上揀定，除非你本身有絕對優勢，否則好大機會佢會get you out of her short list.比較聰明o既做法係不斷畀signal佢,正如你以前的女朋友們對你所做的一樣。女仔對呢樣O野好敏感，如果你不斷暗示而佢又sense到o既話,佢就會畀番signal叫你去馬。比如話你成日約佢去睇戲而佢又去o既話,咁你可以去馬o勒.送D小禮物畀佢睇佢反應,如果佢又會送番D小禮物畀你,嬴面大O勒。呢個時候，揀Ｄ大時大節約佢去街，好似佢生日或XMAS,如果佢都去,有八成o勒。最後，o係Ｄ浪漫環境底下向佢表白，佢可能會十五十六，但唔好太迫佢，盡量畀Ｄ風度，記住女仔唔同阿媽個仔，迫佢係冇用o既。成功與否好depends on佢當時心情，如果你沒有朋友o係佢身邊幫你做線眼,切勿輕舉罔動。要等佢到有一刻真的好有feel同你o係埋一齊先有用,否則就算勉強o係埋一齊都好快玩完。努力吧，女仔係好麻煩o既一種動物，畀Ｄ耐性同試多幾次，practice makes perfect. Gd luck!

[ Last edited by attaboy on 2005-7-17 at 03:29 PM ]