pignose

我試過一個人去西貢行山，諗住由早行到晚再行到早then睇日出，行到夜晚個陣都無乜事，沿途見到d人露營，撞過三隊民安隊。﹙佢地仲以為我係II添，問我野…﹚之後我繼續行啦，突然間係個深山度支電筒燒左胆，唯有換另一支啦……無電芯﹗再睇下手提，俾我估中真係收唔到……當其時真係驚左一驚，但再行既時候已經俾身體既疲累遮蔽左恐懼感~~當時睇地圖真係好煩，因為黑媽媽，我要趴係地度，又唔可以開電話燈，因為有"乾妖"，指南針會係咁轉。最後打消左睇日出既念頭，始終夜晚無電筒繼續行真係危險，唯有一出到馬路就閃啦。