gundamman678

最好係雙方都識煮飯! 因為男女平等了，淨係要求女的煮飯，她也會不滿意，但兩個都唔識煮飯又衰，唔通餐餐出街食咩! 所以最好就係兩個都識，兩個一齊煮，有飯食之餘仲好恩愛添!

gundamman678

Re: roykenroy

個人意見......我唔太同意閣下既講法囉......你呢番話既前題已經設定左煮飯既角色一定係女人。講真，你都愛佢架，咁都可以係你煮飯架! 除非女人結婚後無做野做家庭主婦，咁煮飯就係佢既責任，但而家咁多夫妻結婚後女方都繼續工作，咁就唔一定仍然要女方揹晒煮飯既責任了。

而家好多女人結婚後除左工作外，家務、照顧子女都仍然係佢做晒，我識得有d咁既家庭，做媽媽的真係辛苦得很，好大壓力。作為愛另一半既新一代男人，我覺得應該同太太分工合作囉。

gundamman678

咁又係，所以我覺得兩個一齊學就最好! 可以增進雙方既感情~~

gundamman678

Originally posted by szachary at 2005-5-27 11:20 AM:
我本身思想不算保守....但我卻始終女...

唏，現在還甚麼男主外、女主內?? 而家女性做野都不知幾叻，就黎超越男性既地位啦! 我覺得男性應該要醒覺下囉! 如果再係咁界定男女角色既話，好快會俾女仔超越架啦! 而家女性既角色同地位己經係今時唔同往日，有好大分別。如果仲係諗住男人先至做野叻，女人就應該係屋企煮飯既話，咁就錯晒啦!

gundamman678

我自己就覺得而家係香港，最新模式既家庭結構己經開始變成男女一齊外出工作之餘，亦共同處理家中事務，無分邊個係內，邊個係外。呢樣野其實好公平，大家都要做野，點解淨係女人要兼顧埋家務煮飯呢? 如果係咁既話，即係女人既effort仲大過男人啦! 咁我地成日口口聲聲話男人要照顧家庭，點解家中最重擔子既反而係女人? 我覺得我地如果係愛錫另一半既，就應該一齊承擔，唔應該俾自己既女友/太太仲辛苦過自己。除非你一定有能力唔駛另一半出來工作，又或者請家傭啦，咁就除外。