sonyguy

Originally posted by abc123aa at 2006-7-3 03:19 AM:

英格蘭有料嫁,但係次次都係輸淤12碼,啫係輸比幸運之神

如果英格蘭真係你想講既有料...
就應該在法定時間裡贏波...
仲駛乜踼十二碼??

如果真係次次都輸比幸運之神...
真係要搵阿蘇民峰師傅睇睇先得...
=)

作為一個球迷...
希望英格蘭球隊/球員唔會好似你地咁...
每次都埋怨無運...幸運之神唔幫手, 球証偏幫等等...
而係去練好d 波...加強心理質素!!

sonyguy

Originally posted by abc123aa at 2006-7-3 01:18 PM:

踢少個, 隊長受傷被換離場, 對方又唔係弱隊, 點贏呀, 係易贏到既就唔叫世界盃啦, 英格蘭係有實力, 但唔係勁到識飛, 葡萄牙都好勁嫁, 我只可以話幸運之神都係足球既一部份, 贏唔到自然要靠佢, 根本唔係一個問題

你又知英格蘭班球員唔努力練習?

我就真係唔明點解唔可以求幸運之神, 久攻不下絕對需要佢既幫助

從來都無埋怨任何野(起碼我自己冇), 我地只係係度講出黎, 唔代表埋怨

唔~~如果成場比場你有兩三球波中柱中楣...你可以話無運...
如果連射中龍門既次數都唔多...
勝負同幸運之神真係無關...

我無話佢地唔努力練習...
我只係想知...佢地練習既方法有無問題??
正如我在另一個討論"十二碼"都有講...
十二碼除左你每日對住個龍門狂射外...
心理果方便都好重要..
當然我唔相信英格蘭國家隊會唔知呢樣野...
但佢地點樣加強球員呢方便既能力呢?
佢地用既方法岩唔岩呢?
事實上睇得出係佢地在呢一方便好弱...
應該要在呢方便加強...
好似德國隊...佢地近年在互射十二碼時真係十次贏九次...
唔通唯一既理由就係幸運之神??

久攻不下就只有靠幸運之神??
墨西哥對伊朗一場波...
當大家仲係平手時...
墨西哥立即作出調動...
好快就入波領先...
球員調動, 打法轉換呢d 先係久攻不下要做既野...
印象最深刻有一次...
德國對唔知邊隊...
開頭佢地係用一個矮仔加兩個前鋒最攻擊重心...
上半場全部係地面組識...
點知攻來攻去都攻唔入...
下半場換出兩個高佬...
打法立即變成狂斬高波入禁區...
好快就入波勝出果場比賽...
成個過程就好似打機咁...
plan a 唔得用plan b...
究竟英格蘭有幾多個有效既plan??
(我認為...佢地入波既板斧只有死球...)

最後想講...我唔係德國球迷...甚至可以講我鍾意英格蘭多過德國...
不過要承認德國係一支好有效率既球隊...
每一部份都做得好好...
欠缺可能係一位表現超卓/有吸引力既球星...
在歐洲...佢地既地位真係數一數二...
佢地絕對係其他球隊模仿/學習既對像...