段云

當講緊澳洲即將加入亞州區作賽時,
我地唔係諗點樣可以打低澳洲呢支勁旅從而殺入決賽周；
反而係度諗點樣踢返佢去大洋州，少支勁旅爭飯食？

就算澳州唔黎，中國都係唔得架喇；
俾你上屆入到日韓世界杯咁又點？咪又係三零部隊出局？
唔係日韓本身係主辦國，入唔入到決賽周都成問題添！

我贊成俾澳洲入亞洲區打，
以前對親都係馬來西亞，香港呢類魚腩，邊度會有進步架？
加隊澳洲入黎，競爭性大左。良性競爭先會有進步。

睇下人地哈薩克，寧願過歐州被人數都唔做亞洲地頭虫。
仲有一隊以色列，一早就係歐洲打滾。而家，叫做進步左。

段云

Originally posted by Dicksonheng at 2005-6-15 10:31 PM:
我想問
中北美洲都有3個位 (得7隊)
...

補充:今屆中北美洲區有三個半席位
將會同亞洲區第五名踢附加賽爭決賽周入場卷

仲有上屆分組賽中國巧遇中北美洲球隊哥斯達黎加，
結果吞左兩蛋，無實力就無得講公唔公平。
唔係無俾機會你，只係中國自己唔識珍惜。

突尼西亞就只可以怪抽籤唔夠運，抽到同摩洛哥同組
兩隊只能有一隊去德國

段云

Originally posted by terry369 at 2005-6-16 01:47 PM:
其實我覺得真係要睇下世界排名去再決定

南美洲的國家其實唔太多, 得十隊打外圍賽, 已經有四隊直接進入, 第五就打附加賽
但人地南美真係勁嘛, 是應該的

如果澳洲參加多些國際賽事, 世界排名有番咁上下, 米俾佢直接入囉, 但如果排名唔勁, 打附加賽似乎就好合理

問題就係邊度有多d國際賽事俾澳洲打?俾佢提升排名?
國際賽既日期一早定左，係咁多就得咁多，無得變多幾日俾澳洲。
但其他地區既球隊多數要打外圍賽，
反而澳洲係大洋州區外圍賽好似係最後階段先打，成日無波踢。
（其他地區球隊成日踢，排名升得快）
而自己區內既大洋州杯對住班超級魚腩，贏左都唔慌加得多分

所以澳洲基本上剩係靠友賽黎提升排名，
所以近期見澳洲多左係英國同其他隊伍踢。

段云

Originally posted by 金魚佬 at 2005-6-16 07:20 PM:
南美洲夠話吾公平啦，次次係決賽月都要由幾隊美洲隊，應付成20隊歐洲隊啦！但世界杯偏偏係南美洲贏得最多。所以佢地也說應該全部直入決賽週啦！

唔係幾明呢一段巴西阿根廷幾時講過?
仲有....中國有三個足總....
歐州得14隊入決賽周....