段云

嘩，講意甲。
正，我都講埋一份。

陣式4-4-1-1

龍門：正選保方　後備迪達(兩位都係一級鋼門，好難二擇其一)

後衛：右邊一定係卡富，中間會擺簡拿華路同馬甸尼(點解唔要尼斯達?
　　　因為佢太衝動，成日食埋ｄ唔應該食既牌)左邊就係森保達。
　　　
中場：中間放加度素同派路，一個負責破壞一個負責組織。兩邊就擺尼
         維特同甘比亞素(無名英雄)
　　　進攻中場就放卡卡。

前鋒：比較多選擇，舒夫真高，伊巴謙莫域 ，基拿甸奴同蒙迪拿四位今
　　　屆都打得非常好。不過，真係要四選一既話始終都係......
         舒夫真高>伊巴謙莫域>蒙迪拿>基拿甸奴

段云

Originally posted by MaxFigo at 2005-4-19 12:11 AM:



基本上兩隊陣容合埋就係意甲最強

的確兩隊既球員今屆演出比較穩定，
好似拉素，羅馬同國米今屆Ｄ球員水準唔多穩定。

段云

Originally posted by MaxFigo at 2005-4-19 02:57 AM:

拉素資金所限...無得講...人腳唔夠班

羅馬人腳幾強...可惜自己唔爭氣....
後防費拉利、麥薩斯跌哂watt....托迪又成日話想走...Cassano又玩野...
e班波比拉素更屎更唔抵爭

國米衰領隊....平白浪費左戴維斯、華朗、列高巴、馬田斯e 班好球員...英雄無用武之地...
e班波更可悲 = =

講開羅馬，雖然唔係佢fans，但對佢都好失望。
就算卡比路帶人去祖記，但以羅馬既人腳拎唔到冠軍都唔會好似而家咁排第八，
我開頭仲估佢第三。

羅馬既比賽睇過唔少，雖然唔多like托迪(吐咩口水，搞到意大利出局)
但不得不承認　托迪+卡斯辛奴+蒙迪拿既鐵三角係意甲最強。
就算佢地入唔到波，但剩係睇佢地三個既組織都已經值回票價。

至於國米，我都唔明佢今屆搞乜。
或者文仙尼真係無教大球會既經驗掛。

段云

帕爾馬今年留唔留到班都成問題，
就算留到班，無左基拿甸奴下季都係準備定護級架喇

段云

Originally posted by MaxFigo at 2005-4-20 12:24 AM:



以前ge意甲7雄....今時今日得返意甲3雄....

想問７雄係唔係：
首都雙雄，米蘭雙雄，祖雲達斯，帕爾馬同費倫天拿？

段云

Originally posted by MaxFigo at 2005-4-20 12:38 AM:



that's right !!
e+點數都係得返祖記...AC同國米(其實e隊都勉強= =)稱得上強隊....

嗯，睇黎我記憶仲未退化。
記得果陣時我已經支持緊Ａ米，其他６支隊伍我最驚既唔係祖記羅馬，
反而係帕爾馬，呢隊波以前正神經刀，對住其他６雄就上左身咁，踢波
好到不得了；但對弱旅又會無端端輸鬼左。

至於今年實際上真係得雙雄，國米今屆太多大意和波，
睇下出年點啦。
國米穩定Ｄ，同羅馬搞返Ｄ續約問題，出年應該會復甦
不過帕爾馬同費倫天拿就拜拜啦。
我而家期待緊巴勒莫成為其中一雄，而烏甸尼斯都好有機會。
咁出年都叫做有意甲６雄，算好睇Ｄ啦。

講到意甲，仲有一支球隊想講下，就係萊切。
呢隊波成績唔算突出，亦無大牌球星，但就係吸引到我，
原因就係佢既踢法：狂攻，死攻爛攻，嬴緊又攻，輸緊都攻
真係意甲一支異類，佢攻起上黎我覺得仲勁過西甲球隊。
有時諗佢地個教練係咪傻既