自護

雖然我唔太明你地既背景，不過就咁睇你呢篇野寫既野，我大概都估到個男仔係點諗。

話你知啦，我以一個男仔角度黎睇，邊一個唔想有齊人之福？尤其係遇上你呢隻咁蠢(抱歉，我知語氣重左d，但真係希望你知道自己發生緊乜事)既女仔，又點會唔呃得就呃呢？

好明顯佢只不過當你係水泡、備胎或者係明符其實既『第三者』(即係你想要乜都係第三先會得到既人)。你話你知佢同你雙方都愛對方，冇錯，係，可能佢真係愛你，但唔夠佢愛佢女朋友呢！同埋作為一對情侶，愛既付出最重要係對等，我唔知你雙方既關係係點，不過剩係而家睇呢件事都知你愛佢多過佢愛你。

佢忽略你，講真有好多可能性，一係佢真係好忙，唔得閒住；一係佢搵緊第二個人，唔可以俾你知；一係佢想玩驚喜，等你等到佢心急時再出黎。其實你與其估佢點諗，不如真係面對面同佢講清楚啦，男人係要迫先至會表態，你係MSN又好，寫信又好，係我都唔理你啦，反正你本身係第三者，冇左損失都唔太大。

我唔係想教你同佢分手，不過你作為女仔好應該識得保護自己，唔好再陷入一段似是疑非既關係入面喇。建議你盡快同佢講清楚，始終作為第三者本身已經有問題。

送你一句：『本來無一物 何處惹塵埃？』

[ Last edited by 自護 on 2006-5-12 at 04:42 AM ]