BOYDWAN

E？變左Ruby姐既
自由神 發表於 2010-4-11 01:22

男女同體
d228216 發表於 2010-4-11 01:27

我頭先去咗疴尿吖嘛, 物叫傻婆回咯~~~

BOYDWAN

比人催瞓教呀..............配種呀...............淒涼呀...........閃呀.............

BOYDWAN

破處, 破咗處, 破處咗 <-- 边款先!
咁朴野時擘大眼又代表乜呢?
Triangel 發表於 2010-4-11 03:05

邊款有乜分別啫Tri 爺, 最重要係你個頭係唔係仲係青色之嘛~
扑嘢時擘大眼得兩個可能性, 一係死唔眼閉因為佢要認住蹂躪佢嘅茂利; 一係就high 得滯眼皮不受控咯~
咁你揀邊樣呢?

BOYDWAN

其實咀果時咁近, 眼球跟本對唔到焦, 乜都睇唔清要睇清眼都痛是嗎
浪子 發表於 2010-4-11 13:03

哎呀........呀浪子哥, 嗰一刻唔係黑社會點相呀...........對方可能只係想望你眼神, 或者你嘅表情, 輪廓, 唔係一定要睇得好高清咖~
所以呢方面唔需要咁深究, 你搵呀靚姐姐打多幾次茄輪就會慢慢明小弟我意思咖喇~

BOYDWAN

d228216 發表於 2010-4-12 21:16

我頂吖.........................................又嚟毒我...........................

BOYDWAN

大皇開班女人鍾意男人點咀才會有FEEL? 有冇必殺技? 要一咀永世難忘
浪子 發表於 2010-4-12 21:28

您浪子哥開到聲, 點會托您手踭吖?

嘴一個女人, 最重要係環境.
唔同地方, 氣氛唔同.
唔一定係高級餐廳, 可以係海旁, 公園, 鬧市都得.
重要係當時嘅環境同意境, 你總無理由無啦啦同人講: 喂! 打茄輪咯!
咁就死得啦~
所以呢, 令對方對住你冧冧地嘅時侯, 就係出擊嘅好時機.

至於kiss, 係唔係真係一嘢就隊個嘴埋去呢?
梗得咖, 不過就無乜癮咯.....
當兩個人越哄越埋, 大家都預咗, 不過點令大家難忘回味呢?
1.令對方同自己感受到大家嘅呼吸同鼻息, 呢種酥麻嘅感覺同熱力, 係kiss 嘅頭關; 唔好咁心急, 哄埋之餘好好feel 吓先, 就算雙方嘴唇有幾接近, 都咪咁心急, 控制好個節奏, 令大家都心癢癢好有期待感, 好嘅開頭係令對方永世難忘kiss 嘅引子~

就好似小弟依家要出街買雪糕咁, 開咗個頭令你地心癢癢咁咯, 咁你地都會好期待跟住會點咖係咪?
聽日話你地知啦衰鬼~

BOYDWAN

今日同個小病人去睇醫生, 作感冒喇......仲有小小燒添!
點知...............
原來有人好怕打針咖!!!!
入到房檢查完一輪, 醫生話打針.
大小姐已經望住我問:
可唔可以唔打呀?
我:
我又唔係醫生 (佢望住我嗰吓我已經忍唔住笑 ), 呢個問題您應該望住醫生問吖嘛! 我就梗係話唔得啦~  
醫生:
打枝針休息吓, 聽日就無事咖喇.
大小姐:
我食藥都ok 咖........
我+醫生:
打枝針快d 好咖!
大小姐個樣已經似去行刑咁款..........

當準備打針, 大小姐已經捉實我隻手好似要生仔咁!
連個護士都叫佢唔駛驚唔會痛, 但係佢就望實我一味話好驚, 想喊想喊咁..........
我就好似氹細路咁一路話:
乖啦, 陣間去shopping 補番數, 去食雪糕好唔好?
大小姐就答:
好! 不過唔打針去shopping 食雪糕得唔得.........
我: ................咁茅?!


除咗褲仔針都未打, 佢已經叫好痛........
我, 醫生同護士都話:
未打喎.......
佢就話:
我感覺好痛吖嘛~
醫生同護士都望住我...........嗰吓我真係想講, 等我郁手啦!

到打嗰陣, 佢真係叫到劏豬咁, 慘叫聲震天! 仲嘰哩咕魯講日文, 連"吔咩爹" 都噏埋!  我嗰吓真係忍唔住笑出嚟!
醫生同護士嘅反應我已經望唔到, 因為我搵紙巾同大小姐抹眼淚.........
到打完枝針, 醫生話:
都話唔痛咖啦! 唔駛咁驚咖
護士仲比粒糖大小姐, 話佢乖.
我嗰吓幾想撼頭埋牆呀!

大小姐仲要話:
老公, 我好勇敢呀!
我:
係...........係..........您扣番d 褲鈕先啦呀勇士..........
跟住呀大小姐就問醫生:
有無止痛藥呀? 我驚我一陣坐底pat pat 會痛呀.......
醫生:
唔會痛咖.........
個護士已經望住我笑咗出嚟!

一出房門, 出面d 人都靜晒望住大小姐.........原來佢地聽到大小姐嘅慘叫聲, 以為入面發生命案!
我諗如果診所有後門會好d..........
配完藥離開診所, 大小姐一路同我詐嬌話pat pat 痛, 一路話要買乜乜食物物........病得佢咁出眾, 真係想帶佢返轉頭打多針!

買完食完返酒店, 瞓咗.
臨瞓前都仲要同我講, pat pat 好痛, 要我讚完佢乖好聽話先瞓得著......
唉..............點解我老婆可以成個細路仔咁咖? 我似做人老豆多過做老公喇.........

BOYDWAN

偷偷上網...........睇完post 再陪瞓~

BOYDWAN

文評
e_e 發表於 2010-4-16 01:47

呢兩日比你啦, 知道欠你太耐咖喇大哥~

BOYDWAN

Mrs Wan好番未呀
自由神 發表於 2010-4-16 01:48

詐嬌詐到暈~
好好多喇, 喉嚨唔多痛喇, 不過就有幾聲乞嗤, 佢打乞嗤好似雀仔咁嗤嗤聲咖~