Chenjinnan

1. 你唔應該去估佢諗乜，因為佢都未必知自己諗乜！就算知，一個人嘅諗法係會變嘅 (包括你自己)。
2. 表唔表白其實唔重要，同佢表白，掂左，都可以炒，衰左，亦可以好番。你要做嘅並唔係做「表白」呢啲形式上嘅嘢，而係要証明你地一齊之後係會開心、幸福。呢樣嘢冇得勉強，你唔可以刻意改變自己 (亦唔可以要求對方刻意改變自己)，呢樣嘢係要靠互相了解，日子有功。了解左之後發現係唔夾嘅，就唔好勉強，就算你地真心相愛都好。
3. 出多啲街，互相了解多啲先啦。

注意！唔刻意改變自己唔等於唔進步！男人嘅優點唔係改番嚟嘅！係要靠進步──事業、經濟、成熟、風度、男人味，總之所有女人鍾意嘅嘢，大部份都係啲進步性質嘅嘢。

再加啲簡單例子：
以學習而增加自己嘅條件，叫做進步 ── 游水、踏單車
專登做 (或者唔做) 啲同習慣唔同嘅嘢，叫做改變 ── 戒煙、戒賭、減肥

[ Last edited by Chenjinnan on 2006-4-6 at 02:37 AM ]