trista_cheong

Originally posted by Triangel at 2007-2-26 02:11 AM:


佢望住你倏 2卡鑽石頸鍊至瓜

咁仲驚﹐佢想做thief 偷晒我d 寶貝走～～～











P.S. 鑽石頸鍊咩黎咖～　食得咖?

trista_cheong

Originally posted by 能神所不能 at 2007-2-27 02:43 PM:

你呀！完全無聽我講野！都話考...

自由神你太了解我啦！！！！

擒日出去開會﹐已經決定cancel 呢首歌啦～～　佢o地都明白我ge 難處ge~~


你講d 口臭之言我完全理解﹐而且100% agree﹐夾band 呢d 業餘o野﹐最緊要係大家開開心心spend time together je~~

多謝你﹐令我個心舒服唔少~~~~

trista_cheong

Originally posted by 能神所不能 at 2007-2-27 03:34 PM:

死..............

你講成本效益﹐無錯﹐我個結他手成日都話做o野要合乎經濟效益！我個結他手同鼓手都係讀緊business ﹐投資o左一間band 房出黎﹐就要睇佢o地ge 效益。

讀書係我自己ge 事﹐但係夾band 是但一個唔okay ﹐就會成隊band 冇o野玩；我問自己將夾band 呢樣o野放o係第幾位？肯定唔及另外兩位多。

我欣賞音樂﹐我熱愛音樂﹐我有膽有勇氣嘗試所有我生命中未試過ge o野；但係依家我ge身份開始轉形喎我個結他手話：我由一個音樂ge獲益者變成一個音樂ge 奉獻者；聽起黎好似太過認真；但係我個結他手就係咁認真。

佢話我結他明顯有進步﹐對我黎講有咩用？我ge 角色係一個主音。我做唔好呢個本份﹐就係盡唔到我自己份責任。尋晚我就係成晚睡夢之中不斷o係度諗夾band 呢件事；聽日開始我又開始返半工讀ge 生活﹐我仲去走埋學autocad 3d software﹐星期日夾band 都開始要承受呢d 壓力﹐我真係擔心我應付唔到；我自己點衰都得﹐我點可以映及池魚？

仲有一樣野我漏o左未講﹐就係ef管理戀愛板呢件事﹐我自問好愧疚﹐因為我冇盡好板主責任！我知道我用not in the mood 呢個excuse 太無聊。但係我諗我真係要好好開始分配時間啦~

呢排我煩ge就係呢d ﹐好彩你提一提我﹐如果唔係我就真係爆發唔到出黎喇

多謝你呀﹐自由神仔~ d 分係你deserve ge ~

[ Last edited by trista_cheong on 2007-2-27 at 06:36 PM ]

trista_cheong

2007/03/18 晚上


今日同結他手傾o左好耐……… 係好耐好耐


我同佢講﹐我相信佢會搵到一個比我更好ge主音…當然﹐比我好ge 主音絕對係好多好多。







我好想將ｄ　時間專心係我學業方面…  我唔想再留係澳門讀。



我唔想再浪費時間。 我想離開呢個地方。香港又好﹐大陸又好﹐台灣﹐歐美乜乜都好。
我相信我自己應該係可以有少少成就ge﹐我唔想留係澳門讀書﹐想去出面睇o下呢個世事發生咩事;


同時可能我係呢隊band 入面係可有可無﹐所以或者呢個對大家黎講﹐都係一個好選擇。

trista_cheong

Originally posted by cyc1 at 2007-3-18 10:48 PM:

一於嚟香港發展啦,始終未來澳門個社...

唔係我唔想黎呀﹐不過都要黎到先得ga………

trista_cheong

Originally posted by 我愛章小慧 at 2007-3-25 04:45 PM:

咁當初就留係台北拉~~

留係台北識個台灣靚仔嫁台灣佬～～～～


話時話﹐台灣D仔靚唔靚仔？　老實講喎～

trista_cheong

Originally posted by 我愛章小慧 at 2007-3-28 10:07 PM:

咪同香港差無幾~~

哦………  


我識過一個台灣人﹐佢係我出世以黎見過最靚仔ge 男人…… 至今念念不忘~~


咁你又覺得香港多唔多靚仔呀~?

trista_cheong

Originally posted by 我愛章小慧 at 2007-3-28 10:14 PM:

我個學長咪係羅~~去比賽比女撩~~

映張相黎睇o下啦~~~

trista_cheong

2007/04/17 下午04:35



以下一番肺腑之言﹐其實只係諗住講俾自己聽~ 但係我好想講出黎﹐藉此自我檢視。

o係尋晚之前﹐我並未真正察覺到自己ge 不足之處。但係今次﹐終於俾一個非常能幹ge 女強人ge 直白之言點醒。

係我自己個世界裏面﹐我最重視ge ﹐就永遠都會係自己ge 睇法同感受。我永遠都係以自己ge 出發點做中心﹐衡量所有世間ge 利益同得失；其實我又點會唔清楚﹐當我拒絕接受他人ge意見ge 時候﹐我只不過係係度逃避自我。

面對困難同失敗﹐我仲有好漫長好漫長ge 路去學會面對。係世界面前﹐我終於明白自己ge 微不足道；終於明白自己ge 眼界狹小；只有眼界狹小﹐未能真誠對待自己ge 人生同體驗ge 人﹐先會無辦法接受他人ge 批評同意見。

我曾經以為呢個世界就只係一字咁淺﹐原來係我太過膚淺；我要探索ge o野﹐一世都探索唔完。當我嘗試打開我ge眼睛﹐以澄明ge態度去審視呢個世界之時﹐我亦係度不斷發掘內裏深層ge自己。

未能完全獨立﹐從未懂得生活﹐所有ge 思量同諗法﹐只不過係書本裏ge 內容﹐或者係他人ge 想法同閱歷；但係當我從未切身體驗人生﹐對我黎講﹐咁又有咩價值？

如果我所作所恩唔係生活中﹑係自己ge人生中沉澱﹐作品又點會有深度？如果我無法經得起塵世ge冼練﹐作品如何同呢個世界溝通﹐同觀者交流？

原來係人生上面﹐我只係一個小嬰兒﹐未懂得自我管理同時間管理﹐亦未了解生活深層ge 意向﹐當我不再去關注我真實體驗到ge情況﹐並且搵唔到一個渠道去同其他人搭起互通ge 橋樑﹐咁一切都不過係造作。

當我將全副心思都擺o係精神面﹐而未用不偏不倚ge 態度去觀察呢個世界所發生ge 事；當我過份凌亂﹐無法將所有ge 物件同事情ge 脈絡都一一分析同了解﹐當我連照顧自己都無辦法勝任﹐當我連基本ge 獨立都冀望依靠﹐我根本未曾尊重自己及對自己負責任；我又何以尊重他人及對他人負責任？如果我冇辦法承受壓力﹐我又如何比壓力人？

當我終於對自己ge問題有一個確切ge 理解﹐就只有自己先可以推自己行呢條路﹐調整好自己ge 步伐勇敢面對所有人生接腫而來ge 關口﹐見招拆招。人生自有選擇同各種文叉點﹐係呢個時候﹐就更應該正視自己對每樣事物ge 心態同態度。

我唔要成為一個quiter ﹐亦唔要自己成為一個失敗者﹐無論我跌倒幾多次﹐我都要企返起身；當青春不再枉費﹐當我願意去成長；我先會對所有人ge 行為﹑感受﹑諗法同價值觀更加理解﹑體諒同寬容。

希望我可以一直以正面ge力量同態度來學習如何待人接物﹐如何生活；如何去感謝同珍惜愛我同愛我ge 人。



共勉之。

trista_cheong

Originally posted by BarristerSpring at 2007-4-19 09:57 AM:









Tritri, Lyon, DD,
thank you very much!!!

春春你究竟thank邊個呀??