himsmartin

其實我會有好多現實考慮。n年，都要睇下幾多年，三五年都還可以，如果是十年八年，我一定唔得。另外又要睇下我可唔可以自己生活。有工作，有錢，大家都知道點樣生存，天生天養咁隱居山林，死左都唔知咩事啦。況且，我都好安於而家的生活，有家人、朋友，有女、有貓，有屋住、有車渣。而家無法力，我都好滿足喇。我估我唔會修煉喇。
此外，我覺得人生過癮處在於有時限。好似考試咁，有限時間，果幾個鐘過得好緊張、好快、好充實。最初上班時，無所事事的返工等放工，有野唔洗做，日日等出糧，無野緊張，其實好無聊同好難捱。如果真係俾我成左仙，周而復始的無所事事、無野緊張……我做凡人算喇。