anakinchan

其實大家係咪太睇得起摩連奴，的而且確佢係教得好，但唔好成日話佢唔用錢買人，成日話啲人係雲尼亞里買，其實大部份雲里亞里自己都冇用過。由05年暑假開始Cech，Ferreira，Carvalho，Robben，Drogba黎到，摩連奴話robben唔係佢買，但雲里亞里都未用過，到今年迪賀奴，艾辛，胡禮菲蠟斯，你望下現在隊車仔同以前有幾多唔同。你會話Terry, Lampard, 馬基里尼, Gallas, Crespo都唔係佢買，但隊波多了咁多勁人，壓力自然少了，多了人幫你，少啲錯誤出現，做波啲人識走位，自然易攻啲。好似有Cech 打龍，Ferreira，Carvalho，迪賀奴，艾辛等人互幫，自然好啲，失波都少啲。你睇juventus，冇咗buffon，條防線都爭啲lar。再講Lampard，人會成長的，再加上有人走位，拉開啲人，佢自然多啲機會表現，踢波好講隊友交波，隊友成日交醫院波或一些低質素的傳球，你識飛都冇用，好似manu，有c ron和flecther和rio得閒玩下嘢，你想唔死難，你叫Lampard加Flecther 和c ron一隊，你話佢幾勁都假，因為成日攻攻吓會斷纜，你又要返後，再失啲低能仔波，神都死lar。
至於佢教Porto，係唔錯，但葡萄牙聯賽不是什麼激烈的戰場，至於攞歐冠，佢係好嘢，但要有一點幸運，好似Liverpool，再睇希臘，都係時勢做英雄。

anakinchan

你地成日話雲里唔掂，但你有冇查過04年車仔第幾？排第二。用排第二嘅人腳，再加埋05年暑假買嘅人，隊波勁是麼該的，搵埋有啲料的摩連奴，令到對波長期有穩定的演出，但不要把他講到係超人，在manu 和 arsenal 當打之年，佢地隊波咪一樣由唔穩定變到好穩定。佢係車仔做的是由油王提供的，唔駛諗賺唔賺錢。但費sir和雲加，要睇盤數，再加唔順境，久不久就有人傷，隊波永遠唔齊腳，manu會好啲，但你要係如日方中的車仔手上贏佢，是好難的，所以要先積存足夠實力，manu遲多一兩年會掂，因為班人會成長，到時齊腳。
正如當年manu傷嘅人唔多，所以成日贏，但而家似一個白頭英雄，三兩場就傷一個，穩定性有問題，再加上費sir多年來的成功，總會有自己的一份驕傲，唔聽人地講。而利記賓尼迪斯，我冇彈佢，我都覺得佢好掂，只係買幾件便將利物浦帶返起，佢係好有料之人，但上屆聯賽排第幾？歐聯唔係好彩奪冠，今屆踼歐洲足協lar。唔好話佢贏ac milan 唔係好彩呀，落後三球追得返。
總的來說，費sir和雲加在數年的叱吒風雲，到現在的落泊，自然有較大的失望，但人生總有高低潮，只希望他們能早日走出谷底。相反摩連奴和賓尼迪斯正如日方中，怎能比較呢？