chesta

我覺得應該為安東尼同糟糕平反，
佢2個先係夢7同england o既靈魂。
安東尼一出道就活o係占士o既陰影之下，
到後來D.Wade發熱發亮，
相對佢就顯得黯然失色。
加上負面新聞同04 olympic game俾仆街larry brown話態度唔好，
更令佢俾人扣上「難成大器」o既帽子。
到今次世錦，
明顯睇到melo真係成熟o左好多，
賽前已經俾k教頭點名稱讚；
而咁多場比賽入面，亦都可以睇到melo永遠係表現最好o既其中一個。
(另外仲有Bttier同D.Howard)
而對比占士同D.Wade o既死o下死o下懶懶閒閒，
melo明顯係3個03梯隊o既夢7隊長之中最盡心盡力、亦係貢獻最大o個個！
安東尼真係唔應該再俾人認定o係占士同D.Wade之下！
槽糕其實都同安東尼好似，俾人o既印象，永遠o係雙特之下。
其實糟糕一o的都唔差，大家仲記唔記得佢以天才少年o既身份o係鎚仔幫出道？
可能因為年少氣盛同亟欲證明自己，令佢俾人批評賣弄同過份花巧、不設實際，
even俾人認為「上唔到大檯」。
但係睇番數據，韋斯咸時代o既糟糕，一定係英超其中一個最好o既攻中。
去到車仔同國家隊，糟糕都試過碰壁，因而令佢更加成熟，
甚至為o左球隊利益放棄最擅長o既攻中而轉踢wing，結果成績斐然。
其實大家只要細心留意，糟糕踢波其實都好搏命，而佢o係國家隊o既表現，
亦都冇雙特咁飄忽，好多時仲救england一命；
難道咁仲唔足以證明糟糕o既好，甚至比雙特更好？
睇番安東尼同糟糕o既貢獻，佢o地而家實在得唔到相對o既尊敬。
個人認為睇住一個有potential o既球員成長，比膜拜萬世巨星o既光環更有意思；
安東尼同糟糕，實在應該贏得更多的尊敬。