|
- 帖子
- 30088
- 精華
- 142
- 威望
- 9975
- 魅力
- 657
- 讚好
- 0
|
2#
發表於 2009-1-13 11:25 AM
| 顯示全部帖子
喺第二度睇度,幾有道理.....
終於明白咩野係filter-052fans講既"換個人好似換粒羅c" 只要佢遇到D同級球隊嘅後防,前線就會現形,成隊波,都好令人唔放心,成隊波D外援嘅心理質素都好差,前鋒線,安歷卡已經唔係當打,更唔係穩定射手,卡奴只有速度,射術同個人能力好有限,杜奧巴係最勁一個,可惜長期受傷,復出踢黎踢去都去唔番最fit,三個前鋒都唔掂!中場最海鮮我覺得係迪高,佢一失準D傳波真係完全唔到,身材又單薄,成日傳D醫院波回後,今季已經幾鑊,波歷克還好,不過都已經係黃昏球員,本土嘅林伯最令人放心,林伯踢球會真係出神入化,祖高爾可以話係全隊腳法同速度都有嘅一個,.可惜又唔係長期正選,我真係好唔明車仔班高層點解會放走胡禮菲獵斯,近期仲走埋布歷治,a高連客串下左中都冇埋,只得埃辛一個防中,要顧攻又要守,林伯好多時都要幫拖,馬盧達絕對係個玩一辨嘅球員,底線出波,你叫佢打D小組入中路即係玩佢,後防泰利防守一流,但係就往往俾班中場害死,甩甩漏漏,俾D頂級前鋒一偷到個波,泰利又要硬食,跟住超技術咪紅囉,幾鑊啦!卡華奴呢類捉路型防守,已經冇速度,呢豕季跌watt趺得好勁,兩邊閘速度係有,但往往要幫班老邁中場執漏,又要助攻,都幾吃力!
但有時冇辦法,D球員點接捧,又唔係大菲去搞,當有一日波歷克,迪高,甚至林伯再老D,再買又要夾過,真係又要三五七年!
相反死敵曼聯真係底佢發達,因為足球球場上領隊始終係最能感受球賽,球員,嘅唯一一人,爵爺呢個老薑淨係一樣,球員接班已經好厲害,睇番當C朗未熟,同朗尼又剛剛黎,卡域克,扑智星都未有料嘅時候,傑斯同史高斯可以都可以頂得住,互相頂上,而家呢兩位老將直頭可以安安樂樂睇下波,久唔久出黎玩下,前鋒線個個當打,有速度有技術有把握力,連個後備泰維斯都咁勁,中場線個人能力唔係世界頂級,但中場唔係踢一個架,佢地幾個嘅team work加埋就世界頂級,夾到好熟,最重要係D工作好清晰,後防同中場一樣,心靈相通.D補位一流!有季前鋒線冇人用,佢竟然諗借拿臣!
但睇番車仔就冇呢樣野,ok,就算而家俾哂大菲話事,都唔可能一時之間變到超強,要隊波夾真係冇二三個球季都唔得!
你睇番國米,後防班人夾左幾耐,中場分工清晰,所以伊巴唔慌冇入波,換轉杜奧巴去曼聯,國米,入波一定唔少過佢同朗尼! |
|
