20001160

Originally posted by iknow at 2007-3-12 10:17 PM:

大魚哥...
你真係好堅定要買加卡.....

你講緊呢單????


英超四大班霸暗設上限
球星周薪唔准過151萬
12/03/2007
基斯坦奴朗拿度、林柏特兩大巨星續約有阻滯！英國《報》爆料，面對球員薪酬急升，英超球會曼聯、車路士、阿仙奴同利物浦都決定唔再坐以待斃，聯手暗設薪酬上限，規定球員續約唔准多過十萬鎊（約一百五十一萬港元）周薪，林柏特經理人就率先炮轟做法「荒謬」。
自從舒夫真高同波歷克以天文數字薪酬加盟車路士後，球星薪金就好似火箭升空咁不斷攀升，據報英超四大球會就破天荒攜手合作，暗中定立薪酬上限，有自其中一間球會高層爆料：「球會之間其實冇正式咁講明，但係大家已經達成共識。」近期正與林柏特、C朗斟介續約車路士同曼聯，更加已經暗中下達密令，直接令到續約問題遲遲冇落。
曼聯高層承認：「C朗同曼聯依家度角力，佢想要十二萬鎊周薪，但係我最多只畀十萬鎊，續約肯定困難重重。」至於車路士消息人士亦表明，球會向林柏特開出十萬鎊周薪新約已經係極限，該位中場可以揀係「簽紙或走人」，不過林柏特經理人古拿就直斥新制度：「林柏特價值肯定唔止十萬鎊，我都好想留低，但係呢個薪酬上限簡直係荒謬！」  

巨星不滿或掀逃亡潮
其實依家英超緊十萬鎊或以上周薪只得八人，淨係車路士同曼聯已經佔五個，杜奧巴、艾辛都未入流。消息指曼聯同車仔總監基爾及簡容正係呢條暗例推動者，不過若果一班巨星唔到想要酬勞，難免會出現逃亡潮，轉投意甲同西甲搵食。