安迪

當然係因為有無限金錢啦!
雖然摩連奴係有啲料...
不過其實車仔個架構响佢黎之前已經慢慢建立緊,
其實我會覺得有少少等待收成,
再諗下洛賓,施治,杜夫...等人係邊個買番黎...(雲尼亞里)
加上一直以來以terry加lampard做重心,

佢買o既人又唔算真係超勁丫,
好似卡華路,費拉拿,杜奧巴(呢幾位都算幾貴),基士文,仲又個俄羅斯中場(唔記得名)
不過真係錢多人多,就算眼光麻麻入錯貨都唔係好覺,最多唔係好用個球員...
諗下阿仙奴買錯cygan俾日係咁鬧,曼聯當買錯華朗等....
呢個情況一定唔會出現响車仔身上
而且個個都會話佢好勁...

最後想話有錢唔係大晒(好似國米,皇馬),
但係超級多錢(無限金錢)就真係大晒!!!

安迪

點解成日話好多好錢可以令車仔成功呢?
其實唔係針對佢...
學大家所講,其實攪波當然要用錢,
大把球會都係咁,好似皇馬,曼聯,ac,國米等富豪球會...
只係今時今日佢哋講錢的話絶對冇得比...
特別係國米,成日都會話佢一樣駛咁多,
不過佢一定冇能力一季買咁多人,(佢係十幾年以來累積駛得多)
皇馬都係一年一星咋,曼聯都只係每年買一件特別勁,好似雲佬,里奧,朗尼等
但係車仔只要佢想的話,一季十個八個冇問題啦!
我會覺得呢個係佢咁快成功o既主因!

另外就算其他球會用咁多錢,
但通常個營運架構都ok的,好似曼聯(年年搵咁多),ac,阿仙奴(唔起球場有錢賺架),祖記
同埋佢哋都會控制個薪酬架構...所以佢哋買賣球員都無可厚非吖!
但你睇下車仔,就知佢完全唔需要考慮呢啲問題,(真係一年唔知冇幾多億)
(我估暫時得佢一間球會可以咁玩,如果其他球會學佢咁實死冇生)
所以先話佢無限金錢大晒...

最後想話其實車仔响雲尼亞里最後一季已經慢慢進步的,
歐冠四強,英超亞軍...佢o既班底係成功o既後盾!
(唔好忘記佢為球隊所带黎o既野,靜係識話佢有幾差啦....)