ciger

老實講吖,球隊運作都要錢啦,你睇阿仙奴剩係蘇甘保都9萬幾鎊週薪啦,咪又係錢!車仔因為老闆太有錢,先可以係兩年內換過哂d班底,換轉其他球隊可能要4-5年,不過摩連奴又真係有料到(雖然我都好憎佢),車仔隊中根本冇超球星,你睇你地d投票乜乜最佳中場,最佳前鋒,最佳後衛幾時見到車仔球員,最多咪得個林柏特(但肯定唔會當選),相對皇馬(7條煙),巴塞(細哨,伊杜奧),AC(舒夫,卡卡,卡富,馬甸尼)阿仙奴(亨利,韋拉),曼聯(雲佬,傑斯,堅尼)呢D球星,其實車仔D球員都唔係非常出眾,不過位置夠平均,兼且後備力量足,唔係拿住舊錢買哂D乜乜足球先生就得!

ciger

泰利,卡華路--馬甸尼,尼斯達,蘇甘保,佩奧爾,簡拿華路
林柏特--施丹,細哨,列基美,卡卡,尼維特
馬基利尼--艾馬臣,韋拉,堅尼,馬昆斯,謝拉特
洛賓,就真係冇乜
以上唔敢講好過,不過唔會差過
我的意思係車仔冇乜好像馬勒當拿,大細哨,施丹,費高,FIT嘅李華度等球員,總之有佢就贏面高D,話之你其他球員同佢唔夾,佢咪自己去哂都搞掂,車仔係打整體戰,摩連奴能夠搵到一種戰術適合佢其下D球員打,已經唔係人人做得到,而且佢地買人係針對球隊需要,唔係亂買
而且泰利,卡華路,林柏特,洛賓世界上冇5個人打得好過佢地,係幾時嘅事,係佢地踢車仔之後,買返來果陣邊個知佢地會打得好架

[ Last edited by ciger on 2005-7-6 at 02:56 AM ]

ciger

乜野先係靠錢成功呢,90年初嘅AC就真係靠錢喇,唔知你當時睇波未啦,90年初嘅AC歐冠輸左比馬賽,因為迪西里打得好,下年就高價買入,連新秀蘭天尼都以破世界記錄價錢買入,好似3千多萬美金,佢地當時仲買左好多球星,根本出唔哂,傳媒問佢地原因佢地會長答:自己出唔唒,都唔比其他球會買回來對佢地,自己唔用都唔比人用,呢d就真係純粹靠錢成功喇!

ciger

其實車路士成功唔等於只是摩連奴成功,係由阿巴莫域至每一位球員,領隊嘅成功,雲尼阿里有眼光買杜夫,洛賓,摩連奴就好快將佢地融入球隊,相反曼聯費SIR就係季初花了好多時間先搞掂個陣,而C朗拿度由上季加盟亦要季尾先融入到球隊
而同阿仙奴比,車仔今年比較穩定,好少輸D無厘頭波,雖然冇阿仙奴咁好睇,但就較為實際(車仔目標係攞奬,唔係表演)
車仔今年另一成功之處,就係長期KEEP到狀態,你睇林柏特,泰利打咁多場比賽仍然保持到水準,相對皇馬你就真係冇眼睇,竟然可以容忍D球員長期冇態
以上種種都唔係錢可以買到嘅

ciger

馬甸尼今年貴更呀?如果你仲覺得佢好得,咁早4,5年前佢咪勁到前無古人?
如果年齡=表現,咁我都好波過施丹啦,馬甸尼在02年WORLD CUP歷史最佳陣容都當選,當時只得3個後衛入選,係投票結果話佢係WORLD CUP歷史上最佳3人
林柏特同施丹,細哨,卡卡根本吾同類型
但係同位置吖嗎,你打進攻中場冇腳法唔識扭波係你嘅事,但大家都係進攻中場施丹,細哨,卡卡表現就定唔比林柏特遜色
除左terry同林柏特,車仔買d人番黎果時,d人已經成左名架啦!
like 洛賓,卡華路,費拉拿,杜夫,杜奧巴,馬基利尼,j.cole
你好像睇唔明我過post,我係話車仔冇(超級)球星like施丹,大細哨,費高等呢d球皇級,冇話佢地唔出名,唔係球星
其實呢D都係其次,邊個打得好唔同人有唔同眼光,反而係有人話車仔成功(只係)有錢,你計身價皇馬一定比車仔高,但成績就差好遠,車仔班球員依季付出咁多努力,你地因為佢個領隊口賤而否定佢地,對車仔班球員唔係好公平

ciger

AC d錢係佢地個班主,即係現任意大利總理(唔記得叫咩名)比,佢係傳媒大亨當年身家唔差得過阿布好多

ciger

照你咁講,如果而家車仔比人收購,下季打到好成績,就同錢無關係,咁d球員之前咪又係用錢買番來,同埋我唔係剩係同你講,我係同果d否定球員努力嘅人講啫,其實一開始kakeidevil兄都冇話車仔冇靠,只不過係話錢唔係唯一因素啫,我都係講返車仔除左有錢之外,仲要配合那幾項因素先攞到冠軍

ciger

都話車仔係錢加其他因素囉,我絕對唔會好不滿個個講佢地靠錢,因為我都唔係車仔球迷,我捧巴西同皇馬,不過今季我睇見皇馬果d職業態度同車仔比真係冇得比先係到發表下,希望大家留意一下其實車仔d球員付出好多努力同埋好投入比賽,你睇下皇馬班球員d比賽態度,如果車仔都係咁,佢老細幾有錢都冇用

ciger

投入比賽,上場認真同KEEP到狀態係唔需要錢架,要球員自發先得架

ciger

如果講投入比賽,上場認真同KEEP到狀態,可能水晶宮同諾域治都好過皇馬,AC