ciger

Originally posted by bigfish at 2005-10-9 14:40:
好彩o者
下場冇碧咸實散晒都似

下場隨時大勝,有冇碧咸就好閒,但冇壓力就好緊要,英格蘭隊波次次都係死在'壓力'之下,d無關痛癢賽事佢地成日都打得好(仲要主場)

ciger

Originally posted by shaqkobe at 2005-10-9 14:52:

係呀。佢地係有實力，不過有時踼落就搏手搏腳，成日攻極都開唔到紀錄。

英格蘭世界排名高,但國際賽成績屎(66年之後未贏過國際賽錦標,最叻都係入4強)排名成績唔成比例,都係因為佢地唔懂得應付壓力,d外圍賽友誼賽就成日贏攞好多分,但一到決賽週就最後階段就次次死,射親12碼都例輸

ciger

Originally posted by shaqkobe at 2005-10-9 15:08:

始終英格蘭都係以年輕球員掛師，老...

但係各球員都效力世界頂級聯賽既球會，要佢地齊人練波都唔係易事。成日都無黎默契。

咁巴西阿根廷咪仲慘,又唔見人冇默契,英格蘭除左碧咸之外全部都係踢英超,風格完全一樣,應該更易合拍

ciger

Originally posted by shaqkobe at 2005-10-9 15:30:

但係點解釋佢地成日無默契？？？唔通真係教得唔好？？

佢地點解成日無默契我唔敢肯定,但通常用腦踢波嘅球員例如大細哨,列基美等就比較易有默契,因為佢地會因應臨場變化而做決定,睇定先交波,而且佢地比波係比落個位到,可以牽引隊友走位,但一些靠速度快打慢dup低頭死去嘅球員就差d,佢地交波要靠慣性,即係謝拉特攞住個波,一般黎講碧咸都會企在右邊,佢會睇都唔睇就交去右邊,但如果夾得少對隊友嘅習慣都未係好熟就容易出現默契不足嘅情況

ciger

Originally posted by YUEN_LOUIS at 2005-10-10 17:09:

如果只睇熱身賽，佢地真係可以同巴...

上屆巴西都係得朗拿度,卡富,卡路士同李華度打過世界杯,今屆英格蘭有碧咸,A高爾,奧雲,蘇金保,李奧等踢過世界杯(上屆正選),經驗應該唔係問題,但英格蘭有一樣野就係重要關頭成日犯錯,射12碼又差不多輸梗(有冇人可以話比我知英格蘭上次國際賽射贏12碼係幾時),所以成績真係唔多睇好

ciger

Originally posted by bigfish at 2005-10-10 23:43:

我覺得佢地o既實力有目共賭, 你睇奧...

同意,碧咸嘅級數又真係啱啱可以高過奧地利同波蘭d球員

ciger

英格蘭隊波現在就好似你一心諗住鮑魚,魚翅,龍蝦煮埋一煲就一定好珍貴好好味,但點知唔記得落鹽,結果淡而無味,仲要比人鬧話你唒野

ciger

你地覺唔覺得英格蘭冇左一套自己嘅足球風格,每一支隊伍無論強或弱都有自己嘅風格,巴西就個人能力融入小組戰術,意大利就防守主導,以中場控制球賽,荷蘭就進攻至上以兩翼出擊攻破對手,德國就控球在腳等機會,就算香港都有一套穩守突擊吖,但英格蘭分左右中場但又唔係打雙翼齊飛,踢小組又唔得,主攻不成又唔肯打穩守突擊,防守又唔得徹底,防中都唔用一個正宗D嘅,搞到隊波都唔知似乜,要靠一係罰球一係人地犯錯先入波,咁樣想挑戰世界杯,世少杯都未必贏到啦

ciger

Originally posted by liverster at 2005-10-11 12:11:


我的意現和你有些差別.我覺得英格...

我意思係英格蘭班球星出名,但夾埋一齊就打唔出佢地嘅實力,因為艾歷臣都冇一套正式戰術,仲有你講果d'星'應該攞去荷里活比較,而唔係同足球員比較,越聽你講就越懷疑你係睇'波'定睇'星'

ciger

Originally posted by bigfish at 2005-10-11 14:31:

我明你o既 point
不過如果只計國際...

依家講緊英格蘭係咪一線強隊,個別球員踢得好唔代表球隊好,經常都會出現某一兩個球員表現好但由於球隊失衡,引致攻不銳,守不穩,你睇皇馬上季施丹表現搶鏡,但皇馬一樣成日輸波,球隊強唔強在於整體,碧咸, 林柏特, 朗尼歐冠杯踢得好唔代表係英格蘭都踢得好,如果只計一兩屆表現,咁現今歐洲最強球隊係希臘