CHECSS

入波過度興奮又爆粗！
朗尼死性不改拒絕道歉
30/08/2005


「神童」朗尼再度闖禍！朗尼於周日晚曼聯擊敗紐卡素一役先開紀錄後，表現異常興奮，竟於鏡頭面前大講粗口，令電視台尷尬非常。雖然如此，朗尼卻不以為意，話自己只係個細路，拒絕向公眾道歉！  

「呢球真係入得好×靚！」
  

曼聯作客紐卡素一役，曼聯要到下半場廿一分鐘才由朗尼打開紀錄，由於入球得來不易，朗尼慶祝入球時非常激動，樂極忘形之下竟向電視鏡頭大叫：「呢球真係入得好×靚！」由於今場賽事係全球性直播，朗尼呢句粗口即時「入晒屋」，全世界睇直播球迷都清楚聽到佢語出驚人，評述員已即時代表電視台向觀眾道歉。

朗尼再次惹禍，但他顯得不以為意，不但拒絕公開道歉，更認為講粗口冇乜大不了，根本唔值得大驚小怪，佢話：「我只係個普通年輕人，於苦戰中為球隊入波，我覺得好興奮，咁情況下講粗口，我唔明有乜問題！」  

育界早前嚴厲批評
  

朗尼足球天分毋庸置疑，佢已成為曼聯以至國家隊主力，但佢私生活認真唔檢點，嫖妓、打架鬧事樣樣齊，之前佢已試過於鏡頭前爆粗，畀英國育界嚴厲批評，認為佢身為公眾人物以及萬人偶像，絕對唔應該講粗口，咁樣只會壞細路，但朗尼屢勸不改，冥頑不靈，睇佢只會繼續闖禍！

CHECSS

「麻煩友」朗尼又搞事！朗尼不嬲脾氣臭，睇唔過眼理得你是敵是友，照樣冇面畀嘈鑊甘。今次佢辣係曼聯隊友「辣椒仔」阿倫史密夫，朗尼國家隊操練中飛剷阿倫史密夫，後者即時無名火起，對朗尼喊打喊殺！

朗尼對奧地利一仗停賽，唔知係咪心火盛，練習賽中勇到離晒譜，就算係隊友都如狼似虎，一樣照辣。日前有人爆料，話當時阿倫史密夫引球推進，朗尼唔理三七廿一飛剷埋去，好彩阿倫史密夫反應快，敏捷跳起避過朗尼兇狠攔截。阿倫史密夫爭硬食朗尼「收山腳」，唔燥就假，即時大聲喝罵朗尼。朗尼鬧人就鬧得多，畀人兜口兜面噴到成面屁就少之又少，所以抵唔住氣鬧番轉頭。好彩一班隊友即刻分開佢，唔係分分鐘大打出手。話晒都係曼聯隊友，兩大「壞孩子」好快就平靜番，但之後難免面左左。  

碧咸里奧都要受佢氣
  

朗尼對隊友不敬早有前科，英格蘭早排作客輸畀北愛，朗尼輸唔起見人就鬧，連隊長兼師兄碧咸及曼聯老大哥里奧費迪南亦要受佢氣，畀佢以「F」字頭粗口問候。

CHECSS

Originally posted by 心冷之戀＊行 at 2005/10/11 11:27:


我最鍾意既李奧-_-
.....
朗尼好心就收下火啦-＿-咁搞法會無晒d連攜咖woXDD

我最鍾意碧咸 , 一定要 la

CHECSS

雲尼斯達萊轉會巴塞 !!!!!!!!!

CHECSS

Originally posted by kakeidevil at 2005/10/11 15:41:



Crazy!!!!:cool:

why

CHECSS

朗尼︰我在學習中 12 October, 2005 12:14 +0800

朗尼 (Getty Images)
英格蘭前鋒朗尼表示他仍要慢慢學習改善自己的脾氣。

朗尼於上週末的比賽停賽沒有上陣，但過去十二個月他的脾氣一直備受批評。

上年十一月對西班牙的友賽，領隊艾歷臣就是忍受不了而把他調離場。

其後朗尼被發現於比賽中用手推撞保頓球員咸美的面部而被足總罰停賽。而在上月負北愛爾蘭零比一的比賽中，他亦與隊長碧咸發生口角。

而於曼聯作客維拉利爾的歐冠杯比賽，他則向球證尼路臣拍手而被逐，並罰停賽兩場。

在本週三對波蘭的世界杯外圍賽，朗尼將可復出，而賽事再次會由尼路臣執法。

而英格蘭已經順利打入明年的世界杯決賽週，於賽事展開前，朗尼表示他一定會好好學習改善自己的脾氣。

「我一定會改善。」朗尼說。

「明顯地，在過去我的脾氣是有問題，我一直都學習去改善。」

而在週三的比賽，對手極可能會特別向他作出挑釁，朗尼則認為他已經可以接受這個挑戰。

「是的，這種情況絕對極可能發生，不過我要成為一位有經驗的球員，這是時候去證明一切。」

CHECSS

i like smith

CHECSS

Originally posted by 瑞比 at 2005/10/13 23:06:

me too!!
你識識足圍棋..?

識

CHECSS

曼聯擱置建賭場計劃 14 October, 2005 15:36 +0800

(Getty Images)
曼聯已經擱置了在奧脫福興建賭場的計劃。

在五月，全美國最大賭場拉斯維加斯曾經將計劃書交到曼聯，欲於奧脫福球場旁興建賭場。

除此之外還會有五星級酒店、餐廳、健康中心和體育為主題的酒吧等都為計劃中的一部份。

不過，有關計劃將會暫時擱置，但發言人表示這與格拉薩沒有關係。

「我們與拉斯維加斯與脫福市政府有密切的聯繫，不過各方面決定計劃在現階段不會進行。」曼聯的商業總監安遜說。

CHECSS

費格遜回應白禮達 15 October, 2005 11:51 +0800

費格遜 (Getty Images)
曼聯領隊費格遜對於白禮達對朗尼的批評作出回應。

白禮達在早前表示，費格遜應該要有效地控制朗尼的行為與脾氣。

不過費格遜則認為白禮達的言論多此一舉，並應該更加注重其他更重要的事情。

「我認為他們對於要談論一名曼聯十九歲球員談得很高興，但我希望他們更能夠著重注意其他更重要的事情。」費格遜說。

「他是一個具有影嚮力的人士，人們也喜歡聽他說話。他有時的言論也很有趣。」

「不過他們應該更加要注意其他事情，例如米克爾轉會曼聯的事情。」

「這是他們更應該去關注的問題。」