Kian76

Originally posted by filter-052fans at 2006-3-29 09:08 PM:
好多朋友仲係留戀80年代既意甲水準, ...

上年AC唔係輸質素，只係輸心態。

Kian76

昨晚阿仙奴真係打得好，有某幾位球員特別出色，首推的是伊布爾，他的變速、身位、助攻時機、防守功架簡直一流，相信羅倫就算復出都只會是後備。就是因為他完全防守祖記主要攻勢來源左路，令祖記連攻門既方法都搵唔倒，記憶中他只試過兩次俾森保達扭過，面對梅度就全勝。



另一功臣無可否認是法比加斯，表現簡直一絕，助攻助守，盡顯大將之風。



最後會是必然功臣咁濟既亨利，佢帶領住阿仙奴既進攻，亦因為佢既走動和速度而破壞了祖記的聯防。


祖記方面就再次顯露出他們最大的弱點，就係後備種類太少，他們換出來的人絕大多數唔係前鋒就係防中，再唔係就係閘，一隻翼或創造性強的球員都冇，換人出黎令人感覺上是取代，而不是改變。就算卡比路再叻，面對呢種情況都真係唔知點換好。所以祖記既正選一但被對手壓倒，咁即係等於死硬，上次對不萊梅係贏運氣，唔係贏變化。



而本來一向梅度和迪比亞路是後備入替既良將，原因正是踢法特別，會帶來改變，但現在迪比亞路傷了，梅度因為尼維特停賽局住一開波就上陣，亦令祖記改變踢法可能性=零。


睇番全晚表現，其實簡拿華路都唔算太茅，有好多時係逼不得己，而且佢都真係阻止左好多危機既發生，若他唔下下去盡祖記肯定唔止失2球，所以我對亞視既港隊隊長單方面話佢茅唔太同意。



韋拉既表現，老實講水準以下，艾馬臣亦然，中場完全輸晒俾阿仙奴，面對阿仙奴靈活既走位，有時更人多打人少下，祖記既防線真係壓力好大，大家可以見倒簡拿華路成日都要局住去攔對方既組織傳球都攔唔倒，變成一個""回旋柱""，就係因為被阿仙奴快攻突擊下人多打人少而出現的2打1情況，杜林又局住去補簡拿華路個位，結果益晒亨利。


而且甘莫蘭尼斯在速度和體力上完全被法米尼壓倒，不知為何，甘莫蘭尼斯今場跑得勁慢，成隻龜咁，我記憶中法米尼都唔係快既球員，但都快過甘莫蘭尼斯好多，真係唔知係咪因為對羅馬場波太消費體力所致，但反而甘莫蘭尼斯下半場中段係祖記最有威脅既攻擊球員，佢既一球挑射更差點追回一球，可見祖記今場波中場整體表現如何差，伊巴謙莫域......唉......同阿祖安奴一樣係飛機王，一樣係海鮮波，今晚？？佢選擇了表演海鮮波。

Kian76

Originally posted by filter-052fans at 2006-3-30 01:35 AM:


球隊發揮出黎既水準, 除左戰術, ...

的確意甲球隊一般的戰意是不夠強，但也有例外的，如羅馬在半場落後三球情況下，都在下半場力追兩球，雖最後失敗，但到最後一分鐘都冇放棄過。仲有國米都試過在最後兩至三分鐘連入兩球反敗為勝，其實意甲球隊在強隊對壘中多數不會持放棄態度的，但很多時會出現輕敵的情況，特別是面對弱隊時，而當時的AC米蘭也很大程度是睇少了利物浦，而且上半場拿來的3：1實在太過容易，而且仲要係完全禁住利物浦黎砌，又真係好難去怪AC米蘭因此心散，在明知對手弱過自己一段距離下又領先住3：1而且個勢又咁勁，仲要只餘下半場，佢地真係好可能被自己的實力而擊敗自己既內心，反而利物浦既鬥心真係好勁，即使質素明顯有段大差距，都以無敵既鬥志踢左6分鐘好波，雖然6分鐘過後又俾AC米蘭攻番轉頭，但都守得住，真係可以講話証得拿到和波。但最後是以射12碼決勝，雖也是技術的鬥爭，但相對來說，我不太看重12碼決勝的戰果。在我眼中他們是和波。

Kian76

Originally posted by filter-052fans at 2006-3-30 11:59 PM:


係呀, 出吾到利維特係致命傷, 你...

甘莫蘭尼斯跑得真係唔算太慢，講真，雖然一向唔可以叫做快翼，但慢過法米尼係一個意料之外。

Kian76

Originally posted by filter-052fans at 2006-3-30 11:47 PM:


朋友, 係個時代已經轉左, 而家d波...

可以同你講，02年真係俾球證害死意大利，係直接將12碼幾紅牌趕走意大利重心托迪。若非呢個錯判，意大利就唔會由2：1兼打多一個人變成1：1打少一個人，到最後俾對手人多打人少贏埋。就算南韓體能幾咁好幾咁壓住意大利黎打，但贏唔倒就係贏唔倒，邊有得話唔計球證錯判？？

Kian76

Originally posted by filter-052fans at 2006-3-30 11:47 PM:


朋友, 係個時代已經轉左, 而家d波...

而且，多球隊要護級係咪一定要代表水準下降呢？？我又真係睇唔出係必然既關係，多球隊既水平差唔多就係既，但高與低就真係唔知點去界定喇，我只知連護級份子帕爾馬出二隊都入倒足協盃四強。

Kian76

Originally posted by filter-052fans at 2006-3-30 11:47 PM:


朋友, 係個時代已經轉左, 而家d波...

再者，意甲水準最高真的是祖雲達斯嗎？？我又唔認為，AC米蘭論單場水準與球員平均質素比祖雲達斯高班得多，但正是穩定性不足臣服於祖記之下。

Kian76

Originally posted by filter-052fans at 2006-3-30 11:54 PM:


吾係有錢買人就得架wor!! ac同國...

你既道理係靠你既主觀願望出黎既，我只知道現在歐聯八強有三隊意甲、兩隊西甲、一隊英超、一隊法甲和一隊葡甲，英超前列份子的曼聯連分組賽都唔掂，利物浦被實力份力賓菲加技術性擊倒，車路士也被巴塞隆拿技術性擊倒。現在只餘下阿仙奴。而且我想講皇馬都係俾阿仙奴技術性擊倒。

Kian76

Originally posted by filter-052fans at 2006-3-30 11:54 PM:


吾係有錢買人就得架wor!! ac同國...

仲有，祖雲達斯早在歇冬期間己出現後勁不繼現像，意大利杯也被當時健康而強勢的羅馬踢了出局呢！！上場歐聯對不萊梅靠的是運氣，而且上場聯賽對大半隊後備的羅馬也只能和波，相比之下，阿仙奴近期愈踢愈好就是的。

再加上最重要一點，阿仙奴有13日去休息，但祖記呢？？星期6先惡戰完羅馬，仲要有半場時間10個打11個！！！

Kian76

Originally posted by filter-052fans at 2006-3-31 08:52 PM:
係人都知一兩場比賽吾足以成敗論英雄...

係架喇，唔知點解近五屆意甲球隊三隊打入歐聯決賽，兩次定三次同時有三隊打入八強。反而英超、西甲這些現代的足球就真係......點解呢？？講體力效率足球，邊輪到英超？？係都德甲啦！！英超係靠快速的節奏，講效率絕非機械人德甲o個皮，而聽說近年防守愈來愈盛行，但試問意甲的防守又是否還很強？？那他們是否應該很In先o岩？？我諗最Out一定係近年拿最多歐聯的西甲了，因為他們的防守平均水平是四大聯賽最弱的。到而家都仲末知防守的重要性。

[ Last edited by Kian76 on 2006-3-31 at 09:14 PM ]