機密

第一次送野俾佢，而佢又未係你女朋友，送d普通d但有紀念性的例如筆、記事簿之類。最好再約佢食飯送俾佢。 千析唔好送太貴重，會令對方反感的。

用太貴重的禮物只是換來對方覺得對佢侮辱，沒用的。到時頂多係鍾意你的錢，而不是鍾意你。
不過提醒你，如果對方對你一d好感都無，即應該話無感覺，你送層樓俾佢都無用。  相反對你有感覺的話，你約佢食飯佢已經好開心。  倒不如你約佢例如去坐下船去大嶼山，玩下，順便感受下佢對你有無好感，有的話睇清楚時機向佢表白仲來得有意思。

小小個人見解同經驗。

[ Last edited by 機密 on 2005-10-26 at 09:27 PM ]

機密

Originally posted by ryan_wkm at 2005-10-26 21:27:
我係學生黎架乍....

咁送枝筆同記事簿俾佢，等佢用起來時就記得你，又有用。  
好多女仔都鍾意去下坐船食下野，又浪漫又可以談心。又不用太多錢。


如果送花，講真，好多想威的女仔就想。但如果在學校就太張揚，會令對方唔知點反應。  可能會無端拒絕，令你增加難道。  分分鐘連朋友都怕同你做。

機密

再唔係送埋你自己俾佢，全世界得你一個

機密

Originally posted by ryan_wkm at 2005-10-28 18:35:
死啦....佢今日同我講佢唔要你地講個d呀!!點算呀.....

唔係我想打擊你，只想講個事實俾你聽！聽住：

九成你懶醒同佢講你想送禮物俾佢，你仲話你想送d乜乜乜，根住佢就一樣一樣話唔鍾意！ 係咪？

係你就死心啦！  個女仔唔係話唔鍾意你d禮物，係間接話你知『唔鍾意你』呀，明唔明！？

仲有，你送野俾人之前有乜理由事先同人講你會送d乜、問人地鍾唔鍾意架！  人地梗唔收啦！  貪俾人話貪心好咩！  另外你咁又無晒驚喜俾人，你識唔識送禮物架！小朋友唉！

個女仔d反應依阿叔經驗來講，如果無錯都係對你無乜feel！  女仔通常好敏感，你一話送野其實都知你諗乜！ 但好少直接話拒絕男仔的追求架！ 通常都用以上的說話..我唔鍾意乜...乜架....你唔駛啦.....

中唔中？  死心啦！無謂強求啦！  俾心機讀好書好過啦！  讀唔成讀將來做埋d低級職員勞動力連自己都攪唔掂的工作的話，到時仲難溝女呀！  有學問有思維有收入的話，d女你唔溝都自動走來搵你溝呀！

你問下自己，你做女仔會鍾意個百佳搬貨的還是個會計師呀？

###以上說話絕無講低d勞動力人員！

機密

Originally posted by 藍 at 2005-10-29 00:09:
講真...其實第一步,起碼係應該收下風...

呢d都唔重要，重要係留意個女仔是什麼性格，然後去估計會鍾意乜。但對於這位女子，我估對樓主無乜feel。  不如俾多d心機讀書好過。  好多時讀好書都是對女仔的一種吸引力，可能咁又無心插柳呢！