重俾麥卡倫教....

eric911

英格蘭再次被睇死﹗我都唔知麥卡倫教乜，雖則是友誼第一、比賽第二，但話晒係德國，唔好咁啦﹗成隊踢到散沙咁，其實奧雲踢得算係咁，但當fit既占士、胡禮仔唔出，德國追平嗰球擺明係睇到你行出小禁區笠你啦﹗人哋出B隊咋，倫哥你幾時至肯認自己未夠班呢請問？唔通下月兩場歐國賽輸晒你至肯走？

sas

真係學Keyman話齋
全英國除左貝理亞第2份工最難打就係國家隊教練
打黎打去都係咁的成績

自由神

Originally posted by sas at 2007-8-23 09:50 AM:
真係學Keyman話齋
全英國除左貝理亞第2份工最難打就係國家隊教練
打黎打去都係咁的成績

因為英國雖然職業球員既人數非常之多
但係人材卻.......
有量無質
曼城新領隊被傳媒問及點解當年教英軍時，踢法無而家曼城咁多變化
佢既回應係：因為全英國都無艾蘭奴呢D咁好既球員
艾蘭奴？只係一個巴西小將
英軍無錯有D位置好強，不過同時有更多既位置長期缺人

amigofans

Originally posted by eric911 at 2007-8-23 07:38 AM:
英格蘭再次被睇死﹗我都唔知麥卡倫教...

剩係佢個starting lineup, 已經知佢係廢到無論啦!!

出泰利, becks, j.cole, owen, 一堆傷癒復出全無狀態既球員,
而且佢地仲有一點, 就係已經證明晒佢地既能力,
佢地大大話話都甲左差唔多10年, 要磨合咩?

唔通becks要練斬波比泰利同奧雲? 莫講佢地, 就算落場d隊友,
合埋相眼都知佢地點走位啦, 又唔係有咩新戰術, 仲出佢地做咩??

人家艾歷臣睇到米卡李察士係中路人才, 曼城打比放係中間大放異彩..
阿麥生唔趁泰利傷左試下佢, 真係好有問題....
其實曼聯正副果兩件, 根本已經解決左英倫右閘啦,
搵高大既米卡李察士做加利仔接班簡直係side料之作 !!

中場唔用狀態大勇既胡禮菲立斯更為敗筆, 碧咸之好與作用係路人皆知,
但友誼賽都唔比胡禮仔試, 咁佢點先可以上?
係咪把炮, 當初就唔好懶醒唔選becks....
其實應該胡禮仔打正選, 再換入becks, 試埋胡禮仔打左路作半433會點,
再收番佢比becks打....

前線用一個係曼聯打防守打到無晒入球觸覺既smith更為白痴之作,
個人認為佢自己都未搵番自己, 入選都唔應該, 仲要打正選, 真係好野!!

波已經輸左, 人家作客殘陣半力贏你,  要講面子, 輸清光!!

完全為名而戰, 沒新戰術, 新舊後備也沒機會踢, 講試陣練兵, 全無寸進...

要講士氣, 不單令原來有踢世杯果班士氣更沉, 更有拖埋新進國腳落水之勢...

絕無偏見, 睇左佢咁耐, 完全非一個國家級領隊質素, 仲用佢係浪費好球員既青春,

選人譁眾取寵但戰術保守, 無改善英格蘭球員心理病既大能,
只求保飯碗且眼光短視, 唔炒佢, 英倫只有死路一條....

[ Last edited by amigofans on 2007-8-23 at 10:04 AM ]

terry797

其實教練出既人選我地根本唔太應該質疑..
正確D唻講我地亦冇資格質疑,,,
麥卡倫佢又唔係冇經驗既教練,,
如果佢真係亂咁教英軍,,恐怕佢以後冇得搵飯食,,
我想回番上面filter-052fans兩樣野,,"
1.泰利傷個陣可能真係可以換人打,但冇傷我覺得冇可能會換到人打.
你係咪想講英軍唻唻去去都係個戰術會俾人睇穿,,But係英超...
冇泰利在陣既車路士平均失球我冇記錯好似係1.7幾...
而且佢係英軍防守出色之外仲要係屢有入球機會,,,好似上幾場波係英軍先入完...
2.你話smith仲未有番D前鋒本色,,但係一路以來,即使佢打緊前鋒既日子都唔係有好多入波,,
佢不嬲都係朗尼個種打法[副鋒],,負責為隊友提攻更多入球機會..相反佢既入球同進攻會隨之減少,就好似朗尼咁佢上年入波少過c朗沙夏,,但係有幾多人會對佢進行批評或者係話佢打得差先,,
對麼!?

amigofans

Originally posted by 自由神 at 2007-8-23 10:00 AM:

因為英國雖然職業球員既人數非常之...

艾歷臣根本係度豬up, 你咪信佢....

英格蘭都無人, 邊個國家叫有人? 法國? 西班牙?
我大膽講英格蘭齊腳過佢地...

我知係香港撐英倫, 一定比人話盲目, 但人家球壇有標準,

我細個睇英倫果時, 完全無泰利,里奧, a.cole, 林柏, 謝拉特,
becks, rooney 同 owen 呢d質素既球員....

係8, 90年代, 你會聽到巴塞黎買林柏嗎?
好似碧咸, 奧雲, 活基治呢d可以去踢皇馬, 更加係發夢!!

試諗下如果泰利, a.cole同rooney呢d人, 話唔係英國踢,
我估歐洲列強黎搶都搶唔切....

其實個身價已經說明一切, 咪聽瑞典佬廢up, 無人?
佢除左識守仲識咩? 無人? 比隊巴西佢帶, 佢都只係會守...

曼城大把錢佢買人啦, 買唔到好攻擊球員咩? 咪又係守.....

pyliu

Originally posted by eric911 at 2007-8-22 11:38 PM:
英格蘭再次被睇死﹗我都唔知麥卡倫教...

其實按個別球員計，佢地踢得唔錯，但臨門一腳錯失太多機會者！
英格蘭而家最大問題係冇咗一個有把握能力既射手，前鋒係大把，但係唔知係咪佢地踢到信心不足定係缺態，就係唔入波！連中場球員既遠射都冇埋，以前佢地意氣風發果陣，會好大膽咁起腳試，而家就餵到埋口都手陣陣！

amigofans

Originally posted by terry797 at 2007-8-23 10:13 AM:
其實教練出既人選我地根本唔太應該質...

無錯大家係球迷, 吹水唔係專業球圈人士,
但正如去食野, 你唔識煮, 但廚師整d野, 係狗屎定龍肉你總分得開...
即係我地唔識教, 打出黎係龍係虫, 都識睇掛?

絕對同事你所講泰利既地位, 佢100%應該係主力正選, 無異議...
但現在係佢有傷在身, 又明知佢咩功用同咩大能,
呢d友賽都唔用第d球員試下, 幾時試?

加歷查做後備大家知道佢ok, 但佢家下唔玩啦, 仲唔試下李察士得唔得?
萬一泰利同里奧傷左, 搵咩人打? 京治? 布朗? 好穩咩佢地?
仲有你點知道李察士唔可以搶泰利同里奧個正選位?

如果當年艾歷臣學佢咁, 泰利, 里奧, 林柏同rooney一世都上唔到位,
因為果時大家只係識蘇金寶, 阿當斯, 史高斯同舒靈咸....

講到smith, 睇番紐卡素, 有料既艾拿戴斯都知佢未搵番對射門鞋, 唔會放佢打前面...
仲有佢係有好多士哥架, 佢唔係輔鋒, 佢係leeds執死雞同頭鎚入好多波....
佢如果d pass係得既, 卡域克呢世都去唔到曼聯啦....

唔好意思, 一講佢我會興d, 你又點睇??

locklock

其實問題會唔會係羅賓遜身上呢？
三場開季，己失４球，加上這場，己失了６球，十分不穩定。
第二球之失，肯定係羅賓遜既錯！
第三球之失，又係同羅賓遜有莫大關係。
今次英格蘭比德國際旗，另拿夫帥位和威望更盛！

大家可以留意吓韋根籠門基克蘭幾穩定架！

　　　　　　　　　　　人類出世也是一個離開也是一個

[ Last edited by locklock on 2007-8-23 at 10:45 AM ]

amigofans

Originally posted by pyliu at 2007-8-23 10:32 AM:

其實按個別球員計，佢地踢得唔錯，...

根本由06世杯開始已經無晒信心啦, 友賽贏阿根廷信心係最高點,
克羅地亞果場可能係最低點, 定低處未見低?

你講佢地好o岩, 疾疾下咁, 06世杯番黎, 果班友無一個踢得好過....

係里奧同泰利好少少, 似番個人...