利物浦 vs 比鍚達斯 ~ 是福還是禍??

amigofans

上次阿仙奴主場7球大炒對手, 平左祖記既歐聯最大勝仗紀錄,
尋晚利記8蛋贈予對手, 先真真正正擦新紀錄....

表面上睇8比0係一場偉大既勝仗, 催毀對手之餘, 自己亦打番出個士氣,
咁既表現對黎緊2場歐聯生死戰, 又或至和波太多既聯賽, 都絕對有正面既作用...

只可惜, 利物浦4戰只得4分係一個現實, 此仗雖大勝, 但同組兩支對手偏偏分出勝負...
波圖8分, 馬賽7分, 利物浦4分, 比錫達斯係3分...

因為咁樣下場就變得非常微妙...

比錫達斯 vs 馬賽
利物浦 vs 波圖

千萬唔好以為利記贏晒餘下兩場就得,
佢地既生死, 其實在佢地尋晚大炒既對手, 比錫達斯手上....

因為下場只要比錫達斯一輸波, 就算利記贏波圖, 形勢會變成咁
馬賽10分, 波圖8分, 利物浦7分, 比錫達斯只有3分...

最後一場, 比錫達斯係出局既情況下作客波圖, 戰意成疑, 輸波機會真係非常高..
而馬賽就算輸比利記, 仲要睇得失球或對賽作決定....

所以話比錫達斯先係掌握利物浦命運既球隊, 偏偏利記留埋留埋大炒佢地一劑...
比錫達斯會唔會就此被打殘, 下場輸埋比馬賽呢?

賓尼迪斯好鐘意計數, 咩輪換制黎留力, 攪到無咩價值既聯賽杯就大勝, 最重要既聯賽就和完又和...
尋晚又無故大勝一場, 佢到底有無諗過自己既命運其實係對手身上??

呢8隻蛋, 是福還是禍呢??

[ Last edited by amigofans on 2007-11-7 at 12:05 PM ]

terencey

Originally posted by filter-052fans at 2007-11-7 12:00 PM:
上次阿仙奴主場7球大炒對手, 平左祖記...

歐聯係先睇對賽, 然後至睇得失球的. 如果利物浦想肯定出線嘅話, 就一定要主場贏波圖, 然後作客贏埋馬賽先至得. 若下場輸比波圖嘅話，馬賽都要輸比巴錫達斯, 利物浦最後一場要贏馬賽, 同時巴錫達斯唔可以贏波圖 ........

亦即係話, 下一場如果利物浦輸, 比錫達斯又贏馬賽的話, 數字上係有機出, 但就好可能會畀人整死.

因為家下係:
波 8
馬 7
利 4
比 3

如果下場利輸波, 比贏馬
就會變左:

波 11
馬 7
比 6
利 4

咁尾場波圖對比錫達斯一定會放三分畀佢, 利物浦就點都死得, 如果比錫達斯拎唔到三分的話, 利物浦就贏波即出. 亦即係話, 利物浦下場可以和, 但隔離亦同時一定要和, 否則比錫達斯會過到利物浦  

我估唔到近況不濟嘅利物浦會大勝 8-0, 據聞表現大有改善, 令我好想睇吓場波究竟發生咩事 ..... (雖然比錫達斯本身都唔係勁)

[ Last edited by terencey on 2007-11-7 at 12:22 PM ]

amigofans

Originally posted by terencey at 2007-11-7 12:06 PM:


歐聯係先睇對賽, 然後至睇得失球...

terencey你講得o岩, 但係最關鍵咪就係下場 比錫達斯對馬賽既戰果lor...

只要比錫達斯一輸, 利物浦出局就高唱入雲...

我同你講一大輪, 其實個結論都係, 利物浦完全無主動權,
好似英格蘭歐洲杯外圍賽一樣, 命運在人家手中....

我就係奇怪阿賓先生, 係咪痴左線, 無啦啦炒比錫達斯一場....
萬一人家無心戀戰或信心受損, 下場輸波...咁就唔知炒8球黎有咩價值lu....

仲有人話佢係咩戰略家, 睇完尋晚果賽果, 我肯定佢唔係....

capicapi

千算萬算，如果算漏呢一點..真係喊到無謂了

mhkk

Originally posted by filter-052fans at 2007-11-7 12:00 PM:
上次阿仙奴主場7球大炒對手, 平左祖記...
],

可能佢根本想玩足協盃

yeung hiu he

利記今季招兵買馬, 但得出的結果就是咁, 諷刺!
我個人覺得人腳係勁. 有謝拉特, 托尼斯等等!
但是有果個不知所謂的賓帥, 真是始早都搞衰利記!
賓師好搞唔搞整個輪流戰術, 搞到聯賽, 歐聯成績欠佳!
真是鬼唔望佢繼摩帥第二名走的英超前列球隊的領隊! 哈哈!

amigofans

Originally posted by yeung hiu he at 2007-11-7 02:16 PM:
利記今季招兵買馬, 但得出的結果就是...

我覺得佢又未至於不知所謂咁大劑既....

公認佢係有料之人, 只不過佢似乎仲未掌握到英超果種模式...
西班牙無英超咁激烈, 就算係強隊作客和到波往往都已經收貨...

但英超打度氣勢, 場場要搏到盡, 根本無保留既空間....
如果佢唔理呢樣野既, 相信永遠都會係杯賽同聯賽平衡上進退失據....

sas

歐聯冠軍
分組賽出局
羞家！

alantai

贏幾多球都一樣
要贏哂兩場硬野
你想出線，人地兩隊唔想？　

Edgar_Davids

Originally posted by terencey at 7-11-2007 12:06:

歐聯係先睇對賽, 然後至睇得失球...

只係個別球員 (Benayoun, Crouch) 打出超水準...
整體上仍未算發揮得淋漓盡致.....

尤其是上半場差點兒先失球......